HANGOLUAN NI HALAK KRISTEN

Laba ni Pangalaho na Denggan dohot Unduk ni Roha di Parsaripeon

Marhite pangalaho na denggan, jotjot do angka istri Kristen mangurupi suamina manjangkon hasintongan. Alai laho mangulahon i, ingkon martahan do nasida mangadopi hasusaan saleleng martaon-taon. (1Ptr 2:21-23; 3:1, 2) Molo dibahen na so tigor tu hamu, tongtong ma taluhon na jahat marhite na denggan. (Rom 12:21) Ra, ndang lomo roha ni suamimuna tu hasintongan, alai tingki diida ibana pangalahomuna na denggan, boi do gabe muba rohana.

Marsitutu ma mangantusi pangkilalaan ni dongan saripemuna. (Plp 2:3, 4) Patudu ma roha sapangkilalaan dohot asi ni roha, jala ulahon ma tanggung jawabmuna di keluarga. Denggan ma tangihon ibana. (Jak 1:19) Sabar ma, jala sai patudu ma holong tu dongan saripemuna. Nang pe ndang burju jala ndang diargai ibana hamu, pos ma rohamuna na diargai Jahowa do hamu ala tongtong setia.—1Ptr 2:19, 20.

TONTON MA VIDEO DIPATOGU JAHOWA ASA TOLAP MANAON HASUSAAN, DUNG I ALUSI MA SUNGKUN-SUNGKUN ON:

Songon dia ngolu ni si Grace Li tingki baru marhasohotan?
Aha do na mambahen lomo rohana tu hasintongan?
Songon dia do donganta si Li martahan manaon hasusaan dung tardidi ibana?
Aha do na ditangiangkon donganta si Li taringot suamina?
Aha do pasu-pasu na didapot donganta si Li ala patuduhon pangalaho na denggan dohot unduk ni roha?

Gombar: Adegan na dibuat sian video ‘Dipatogu Jahowa asa Tolap Manaon Hasusaan’ na patuduhon taringot si Grace Li. 1. Si Grace tangis di lambung ni restoranna. 2. Sahalak donganta borua marsiajar dohot si Grace. 3. Si Grace dohot ianakhonna laho tu parpunguan. 4. Si Grace dohot keluargana di Bale Harajaon — Balga do pengaruh ni pangalaho na denggan dohot unduk ni roha!