Marlaba do di Hamu Manjaha Ayat Harian?

Ganup ari do dijaha hamu bukku Manulingkit Hata ni Debata Ganup Ari? Molo dang dope, olo do hamu mangulahon i? Godang halak mangulahon i di tikki manogot. Alana, boi ma i dirimangi nasida saleleng sadari i. (Jos 1:8; Ps 119:97) Boha do carana asa dapotmuna godang laba sian manjaha ayat harian? Jaha ma piga-piga ayat sebelumna, asa diboto hamu aha do na ditaringoti di ayat harian i. Pikkirhon ma sada contoh di Bibel na hombar tu ayat i. Dung i, ulahon ma prinsip sian ayat i. Molo dibahen hamu keputusan na hombar tu prinsip ni Bibel, gabe denggan ma ngolumuna.​—Ps 119:105.

Sude keluarga Betel di liat portibi on mangulas ayat harian tikki ibadat pagi. Piga-piga taon na parpudi on, godang do acara ibadat pagi na dibahen di JW Broadcasting^® di bagian ACARA. Nungnga hea ditonton hamu akka video i? Adong do ra piga-piga video na cocok tu situasimuna. Umpamana, songon dia do cerita taringot si Lot mangurupi hamu tikki mambahen keputusan?

TONTON MA VIDEO UNANG HAHOLONGI PORTIBI ON (1JOH 2:15), DUNG I ALUSI MA SUKKUN-SUKKUN ON:

• Aha do prinsip ni Bibel na diulas di Ibadat Pagi on?

• Aha ma na taparsiajari sian si Lot taringot bahaya ni makkaholongi portibi on dohot akka na di bagasanna?​—1Mus 13:12; 14:12; 19:3, 12, 13, 24-26

• Songon dia hita patuduhon na tahaholongi do Jahowa, dang portibi on dohot akka na di bagasanna?