Mandok Mauliate tu Debata dohot tu Kristus Alani Haluaon di Ari na Naeng Ro

Sude do hita mangadopi sitaonon ganup ari. Akka ama ikkon marsitutu manarihon keluargana. Akka na mabalu pasti maol do paradehon na porlu tu keluargana. Akka na poso olo do ra direhei akka donganna di sikkola. Akka na matua pasti susa ala jotjot marsahit. Jala adong do muse donganta na godang sitaononna. Alai taboto do na lao salpu akka sitaonon i satokkin nai.​—2Kor 4:16-18.

Sambil paimahon i, boi do tarapul rohatta. Taboto do diattusi Jahowa songon dia pakkilalaanta tikki mangadopi sitaonon, diargai Jahowa do molo toktong setia hita, jala diparade Ibana do pasu-pasu tu hita di ari na naeng ro. (Jer 29:11, 12) Jesus pe parduli do tu hita. Molo toktong taulahon lomo ni roha ni Debata, boi ma pos rohatta tu hata ni Jesus na mandok, “Sai na dongananku do hamu.” (Mat 28:20) Tabayakkon ma haluaon di ari na naeng ro tikki mamaretta Harajaon ni Debata. Molo taulahon i gabe pos ma rohatta tu janji ni Debata jala lam marsitutu ma hita asa setia nang pe mangadopi sitaonon.​—Rom 8:19-21.

TONTON MA VIDEO ALA NUNGNGA JONOK GALUMBANG HASUSAAN, TATUJUHON MA PAMERENGTA TU JESUS!​—GAMBARAN DI ARI NA NAENG RO, DUNG I ALUSI MA SUKKUN-SUKKUN ON:

• Boasa gabe marmusu jolma tu Debata, jala aha do akibatna?

• Masa depan na songon dia do na lao hilalaaon ni halak na setia tu Jahowa?

• Aha do na boi mambahen saut janji ni Debata i?

• Janji ni Debata na dia ma na dipaima-ima hamu di tano na imbaru?