HANGOLUAN NI HALAK KRISTEN
Akka na Poso—Paboa ma Sude na di Rohamuna tu Natua-tuamuna
Boasa ikkon dipaboa hamu tu natua-tuamuna aha na di rohamuna? (Poda 23:26) Alana nungnga dilehon Jahowa tanggung jawab tu nasida lao mangurus jala mangajar-ajari hamu. (Ps 127:3, 4) Alai dang boi diurupi nasida hamu, molo dang olo hamu paboahon aha na di rohamuna dohot masalahmuna tu nasida. Jala dang boi hamu marsiajar sian pengalaman ni nasida. Molo songon i, na ikkon sude do dipaboa hamu na di rohamuna? Daong. Dang ikkon sude dipaboa hamu, alai unang ma margabus hamu.—Poda 3:32.
Songon dia do caramuna makkatai tu natua-tuamuna? Pillit ma tikki na cocok lao makkatai tu natua-tuamuna. Alai molo maol i diulahon hamu, coba ma bahen surat lao paboahon aha na di rohamuna. Boha do molo adong sada masalah naeng dihatai natua-tuamuna, alai dang lomo rohamuna dihatai taringot i? Ingot ma, na lomo do roha ni nasida naeng mangurupi hamu. Bahen ma natua-tuamuna i songon donganmuna. Molo torus hamu berupaya paboahon na di rohamuna tu natua-tuamuna, hilalaonmuna ma manfaatna salelengna.—Poda 4:10-12.
TONTON MA VIDEO NGOLUKKU DI MASA REMAJA—BOHA DO CARANA AU MAKKATAI TU NATUA-TUAKKU? DUNG I ALUSI MA SUKKUN-SUKKUN ON:
Aha do ujungna na disadari si Esther dohot si Partik taringot diri ni nasida?
Aha do na boi ditiru hamu sian Jesus?
Aha do naung diulahon natua-tuamuna na patuduhon na parduli nasida tu hamu?
Lomo do roha ni natua-tuamuna asa marhasil hamu
Akka ayat na dia do na boi mangurupi hamu lao makkatai tu natua-tuamuna?