Manesa Dosa ni Akka Jolma di Tikki Naung Salpu

Sasittongna holan marhite mudar ni Jesus do boi disesa dosatta. (Eps. 1:7) Alai Bibel mandok, “Marpamuati do Debata manesa dosa ni akka jolma di tikki naung salpu”, i ma akka jolma na mangolu andorang so mate Jesus. (Rom 3:​25, surat na di toru.) Boasa boi Jahowa manesa dosa ni akka jolma na mangolu andorang so mate Jesus, alai toktong patuduhon hatigoranna?

Marjanji do Jahowa lao adong ma ‘pinoppar’ na paluahon akka jolma na porsea tu Ibana dohot tu akka janjina. Tikki dibahen Jahowa janji i, hira naung targarar ma tobusan i. (1 Mus. 3:15; 22:18) Alana pos do roha ni Jahowa pasti olo do Anakna mangalehon ngoluna gabe tobusan di tikki naung ditottuhon Ibana. (Gal. 4:4; Heb. 10:​7-10) Tikki di tano on Jesus, dilehon Jahowa do tu ibana huaso lao manesa dosa ni akka halak na porsea. Boi pe diulahon Jesus i, ala diboto ibana pasti boi do tobusanna manesa dosa ni nasida.—Mat. 9:​2-6.