Pakke ma Bibel lao Markaca

Dipatudos si Jakobus do Bibel i songon kaca. Boasa? Alana, boi do Bibel mangurupi hita mamboto songon dia pangalahotta na sasittongna. (Jak. 1:​22-25) Alai boha do caratta mangulahon i?

Manat ma jaha. Molo dang manat hita tikki markaca, boi do ra gabe dang taparrohahon aha na porlu tapature. Dos songon i ma molo dang manat hita tikki manjaha Bibel manang terburu-buru, boi do gabe dang tasadari aha na porlu tapature sian diritta.

Fokus ma tu dirimuna, unang tu halak na asing. Sipata tikki markaca hita, boi do taida halak na asing di kaca i. Dos songon i ma tikki tajaha Bibel, olo do ra hahurangan ni halak na sai tapikkirhon. Akibatna, gabe dang tapadenggan be hahurangatta.

Masuk akkal ma hamu. Tikki markaca hita, molo holan hahurangatta na sai taida, olo do gabe lungun rohatta. Dos songon i ma tikki tajaha Bibel, boi do gabe lungun rohatta molo holan hahurangatta i na sai tapikkirhon. Alai ingot ma, dang dipaksa Jahowa hita mangulahon na so sanggup taulahon.—Jak. 3:17.