‘Marsiajar do Jesus asa Boi Toktong Mangoloi Debata’

Sai dioloi Jesus do Jahowa. (Joh. 8:29) Alai didok do di Bibel, “Marsiajar do ibana asa boi toktong mangoloi Debata . . . sian sitaonon na masa tu ibana.” Boasa songon i?—Heb. 5:8.

Saleleng mangolu di tano on, diadopi Jesus do akka situasi na so hea dope masa tu ibana tikki di surgo. Misalna, dipagodang-godang natua-tua na so sempurna do ibana. (Luk. 2:51) Asing ni i, jahat do akka pamimpin agama dohot pamaretta tu ibana. (Mat. 26:59; Mrk. 15:15) Jala haccit do parmate ni Jesus. Nang pe songon i, didok di Bibel, “Dipatutoru do dirina jala mangoloi sahat tu na mate.”—Plp. 2:8.

Jadi akka sitaonon na diadopi Jesus di tano on, mangurupi ibana mandapot parsiajaran na baru taringot mangoloi Debata. Hasilna, boi ma ibana gabe Raja dohot Sintua ni Malim na mangattusi hagaleotta. (Heb. 4:15; 5:9) Ala toktong dioloi ibana Debata nang pe marsitaonon, gabe lam arga ma ibana di Jahowa. Dos songon i ma hita. Molo toktong taoloi Jahowa nang pe borat sitaononta, gabe lam arga ma hita di Ibana. Jala gabe lam pos ma roha ni Jahowa mangalehon tugas manang aha pe tu hita.—Jak. 1:4.