CARA ASA UNANG SAI MARSAK
Na Godang do Beban Pikkiranmu?
“Sude do jolma boi marsak. Alai huhilala massai borat do beban pikkiranku. Dang holan sada sitaononku, godang do. Jala nungnga martaon-taon au ikkon mangurus suamikku, ala marsahit ibana jala marsahit muse pikkiranna.”—Si Jill.a
“Ditinggalhon istrikku do au. Holan au sandiri do na pagodang-godangkon dua gellengku. Susa hian do huhilala. Jala dang adong be karejokku. Dang adong be hepengku lao paturehon mobilnami. Dang huboto be boha bahenon. Nga marsak hian au. Huboto do sala bunu diri. Jadi hupangido tu Debata asa tumagon ma dibuat hosakkon.”—Si Barry.
Hea do hamu marsak manang stres, songon si Jill dohot si Barry? Molo hea, boi do majalah on mangapuli jala mangurupi hamu. Dipaboa do dison, aha na mambahen hita gabe marsak, aha do pengaruh ni stres tu kesehatanta, jala aha ma na ikkon taulahon asa unang sai marsak manang stres hita.
a Piga-piga goar nungnga diganti.