Hamu Porlu Marsiajar taringot Debata

Asa boi gabe aleale ni Debata, hamu porlu marsiajar taringot Ibana. Diboto dongan muna do ise goarmu jala dipangke nasida do i? Ido. Dihalomohon Debata do asa diboto jala dipangke hamu goarNa. Goar ni Debata i ma Jahowa. (Psalmen 83:19; Mateus 6:9) Ingkon parsiajaran muna do na dihalomohon dohot na so dihalomohon rohaNa. Porlu do botoon muna ise alealeNa jala ise ma angka aloNa. Diporluhon do tingki laho mananda sasahalak. Songon na didok Bibel marbisuk do hita molo taparhaseang tingki marsiajar taringot Jahowa.—Epesus 5:15, 16.

Angka aleale ni Debata mangulahon aha na hombar tu lomo ni rohaNa. Pingkirhon ma angka aleale muna. Olo dope nasida maraleale tu hamu, molo dibahen hamu na roa manang diulahon hamu sogo ni rohana? Daong. Songon i ma molo hamu naeng gabe aleleale ni Debata, porlu do ulahononmu aha na hombar tu lomo ni rohaNa.—Johannes 4:24.

Ndang sude ugamo na boi mambahen paralealeon tu Debata. Jesus, aleale ni Debata na mansai solhot, paboahon adong dua dalan. Dalan na parjolo bidang jala torop do halak na mangihuthon. On ma dalan tu hamagoan. Dalan na sada nai sompit jala otik do halak na mangihuthon. On ma dalan tu hangoluan salelenglelengna. Lapatanna, molo naeng maraleale hamu tu Debata, ingkon marsiajar do hamu songon dia dalan na sintong laho manomba Ibana.—Mateus 7:13, 14.