BAGIAN 6

Aha do Parsiajaran na Boi Tadapot sian Air Bah?

Dipamate Jahowa do akka halak na jahat, alai diselamatton do si Noak dohot keluargana. 1 Musa 7:11, 12, 23

Bahtera na di Air Bah, lonong ma akka parjahat, jala mulak do suru-suruan na menjelma i tu surgo

Ro ma udan 40 ari 40 borngin. Banjir ma sude liat portibi on, jala mate ma sude halak na jahat.

Mulak ma muse suru-suruan na menjelma i tu surgo jala gabe suru-suruan na jahat.

Kaluar ma si Noak, keluargana, dohot akka binatang sian bahtera jala adong pelangi di langit

Selamat do sude na di bahtera i. Dung salpu piga-piga taon mate ma si Noak dohot keluargana. Alai, na lao dipahehe Debata do nasida jala boi do nasida mangolu saleleng ni lelengna.

Na lao dipamate Debata ma muse akka halak na jahat jala diselamatton Ibana do halak na burju. Mateus 24:37-39

Godang do cara na dipakke Sibolis dohot akka suru-suruan na jahat mangoto-otoi akka jolma

Torus do dioto-otoi Sibolis dohot akka suru-suruan na jahat akka jolma.

Songon di tikki ni si Noak, godang do saonari halak na so olo mangoloi petunjuk ni Jahowa. Satokkin nai lao dipamate Jahowa ma akka halak na jahat.—2 Petrus 2:5, 6.

Dipakke Saksi Jahowa do Bibel lao marbarita tu sahalak bawa, sahalak bawa manjaha Bibel

Adong do halak na songon si Noak. Ditangihon jala dioloi nasida do hata ni Debata. Digoari do nasida Saksi Jahowa.