Boi do Halak na Mate Mulak Mangolu Haduan di Tano on?

ON MA DIDOK BIBEL

“Mulak mangolu do muse akka jolma naung mate.”​—Jesaya 26:19.

AHA DO MANFAATNA TU HAMU?

Janji on mambahen hamu . . .

Gabe margogo manaon na haccit tikki mate halak na dihaholongi. ​—2 Korint 1:3, 4.

Gabe malua sian biar ni roha tu hamatean.​—Heber 2:15.

Gabe marpos ni roha na boi pajuppang muse dohot keluarga naung mate.​—Johannes 5:28, 29.

BOASA BOI TAHAPORSEAI NA DIDOK BIBEL?

Adong tolu alasanna:

• Debata do na manoppa sasude. Bibel mandok, sian Debata Jahowa do “ro hangoluan”. (Psalmen 36:9; Ulaon ni Apostel 17:24, 25) Dilehon Ibana do hosa hangoluan tu sude toppaanna asa boi mangolu. Alani i, pasti sanggup do Debata pahehehon akka halak naung mate.

• Nungnga hea dipahehe Debata halak na mate. Adong do disurat di Bibel ualu halak na hea dipahehe. Adong do sian nasida dakdanak, na matua, bawa dohot borua. Adong do sian nasida na baru mate dope jala adong do naung mate opat ari baru pe asa dipahehe!​—Johannes 11:39-44.

• Lomo hian do roha ni Debata pahehehon halak naung mate. Sogo do roha ni Debata tu hamatean, jala songon musu do i di Ibana. (1 Korint 15:26) Lao ditaluhon Debata nama musu i. Jala lao dipahehe Ibana do akka halak naung mate. Masihol do Debata mambahen mulak mangolu akka halak jala masihol do Ibana mangida nasida mangolu di tano on.​—Job 14:14, 15.