PELAJARAN 47
Nungnga Rade Be Hamu Tardidi?
Dung marsiajar Bibel hamu, pasti nungnga godang na diboto hamu taringot Jahowa. Jadi pasti nungnga godang perubahan na dibahen hamu asa boi menerappon na diparsiajari hamu. Alai adong dope ra na mambahen hamu ragu naeng mangalehon ngolumuna tu Jahowa jala tardidi. Di pelajaran on, taida ma akka tantangan aha na biasana mambahen sasahalak ragu lao tardidi, jala boha carana mengatasi i.
1. Sadia godang do ajaran ni Bibel na ikkon diboto hamu asa boi tardidi?
Asa boi tardidi, ikkon diboto hamu do ‘parbinotoan taringot tu hasittongan’. (1 Timoteus 2:4) Alai dang berarti ikkon boi dialusi hamu sude sukkun-sukkun ni halak taringot Bibel. Alana halak Kristen naung leleng tardidi pe, ikkon torus do nasida marsiajar. (Kolosse 1:9, 10) Nang pe songon i, ikkon diboto hamu do pinomatna akka ajaran dasar na adong di Bibel. Boi do annon akka sintua mangurupi hamu memastihon, nga diboto hamu ajaran dasar i manang na dang.
2. Akka aha do na ikkon diulahon hamu sebelum tardidi?
Sebelum tardidi, ikkon ‘muba do hamu jala mulak tu Debata’. (Jaha Ulaon ni Apostel 3:19.) Lapatanna, ikkon disolsoli hamu do sude kesalahanmuna najolo. Jala ikkon martangiang do hamu tu Jahowa asa disesa dosamuna i. Ikkon bertekad do hamu lao pasidikkon ulaon na sala, jala bertekad lao mambahen las roha ni Debata saleleng ngolumuna. Asing ni i, ikkon taratur do hamu marpungu, jala marbarita rap dohot akka dongan di huria.
3. Porlu do hamu mabiar lao tardidi?
Adong do halak na mabiar dang sanggup nasida menepati janjina tu Jahowa. Memang haduan olo do ra diulahon hamu kesalahan. Akka naposo ni Jahowa na disurat di Bibel pe, hea do songon i. Alai dang hea dituntut Jahowa naposona asa sempurna. (Jaha Psalmen 103:13, 14.) Las do roha ni Jahowa molo diulahon hamu nasa tolapmuna lao mangulahon lomo ni rohana. Jala pasti diurupi Ibana do hamu! Didok di Bibel, “Dang adong na boi manirang hita sian holong ni Debata.”—Jaha Rom 8:38, 39.
ASA LAM TAATTUSI
Taida ma molo takkas tatanda Jahowa jala olo hita diurupi Ibana, boi do taatasi akka tantangan na mambahen hita ragu lao tardidi.
4. Lam takkas ma hamu mananda Jahowa
Ikkon sadia godang do na diboto hamu taringot Jahowa asa boi tardidi? Ikkon takkas do ditanda hamu Jahowa asa holong rohamuna tu Ibana, jala olo hamu mangulahon lomo ni rohana. Putar ma VIDEO asa boi diboto hamu songon dia akka parsiajar Bibel di liat portibi on mangulahon i. Dung i, bahas ma sukkun-sukkun on:
Aha do na mambahen pos roha ni akka halak di video i lao tardidi?
Jaha Rom 12:2, dung i bahas ma sukkun-sukkun on:
Pos do rohamuna sittong sude isi ni Bibel i? Pos do rohamuna sian Bibel na diajarhon Saksi Jahowa?
Molo dang pos dope rohamuna, aha do na boi diulahon hamu asa unang ragu be hamu?
5. Mengatasi akka tantangan
Pasti adong do tantangan molo naeng talehon ngolutta tu Jahowa jala tardidi. Taida ma sada contohna. Putar ma VIDEO, dung i bahas ma sukkun-sukkun on:
Di video i, tantangan aha do na diadopi si Narangerel lao manomba Jahowa?
Aha do na diulahon ibana ala holong rohana tu Jahowa?
Jaha Poda 29:25 dohot 2 Timoteus 1:7, dung i bahas ma sukkun-sukkun on:
Boha do carana asa barani hita mangadopi akka tantangan?
6. Marhaposan ma tu Jahowa
Pasti diurupi Jahowa do hamu asa boi mambahen las rohana. Putar ma VIDEO, dung i bahas ma sukkun-sukkun on:
Aha do na mambahen ragu sahalak parsiajar Bibel di video i lao tardidi?
Aha do na mambahen gabe pos rohana tu Jahowa?
Jaha Jesaya 41:10, 13, dung i bahas ma sukkun-sukkun on:
Boasa pos rohamuna pasti boi do ditepati hamu janjimuna tu Jahowa?
7. Torus ma ingot balga ni holong ni Jahowa tu hamu
Molo torus diingot hamu balga ni holong ni Jahowa tu hamu, pasti mandok mauliate do hamu torus tu Ibana. Jala gabe olo ma hamu manomba Ibana saleleng ni lelengna. Jaha Psalmen 40:5, dung i bahas ma sukkun-sukkun on:
Aha ma pasu-pasu ni Jahowa na paling diargai hamu?
Holong do roha ni Nabi Jeremia tu Jahowa dohot tu Hatana. Jala mandok mauliate do ibana tu Jahowa ala boi gabe naposona. Didok ibana do, “Hatami do na mambahen las jala sonang rohakku. Ai dipillit Ho do au lao mamakke goarmi, ale Jahowa.” (Jeremia 15:16) Bahas ma sukkun-sukkun on:
Boasa boi didok sada hasangapon do gabe Saksi Jahowa?
Olo do hamu tardidi asa boi gabe Saksi Jahowa?
Adong dope na mangabbati hamu lao tardidi?
Menurut hamu, aha do na porlu diulahon hamu asa boi tardidi?
ADONG DO NA MANDOK: “Hurasa dang sanggup dope au bah tardidi.”
Songon i do na dihilala hamu?
KESIMPULAN
Boi do diurupi Jahowa hamu mengatasi akka tantangan na mambahen hamu ragu lao tardidi.
Tinjauan
Sadia godang do ajaran ni Bibel na ikkon diboto hamu asa boi tardidi?
Perubahan aha do na ikkon dibahen hamu asa boi tardidi?
Boasa dang porlu hamu mabiar lao tardidi?
LULUI MA
Ida ma aha do seharusna alasan utama ni sasahalak olo tardidi.
“Nungnga Rade be Hamu Tardidi?” (Joujou Paboahon, Maret 2020)
Jaha ma boha do carana mengatasi akka tantangan na mambahen hamu ragu lao tardidi.
“Aha do na Mangambati Ahu Tardidi?” (Joujou Paboahon, Maret 2019)
Tonton ma pengalaman ni sahalak bawa na marhasil mengatasi tantangan na borat asa boi tardidi.
Di mulana, ragu do si Ataa lao tardidi. Alai taida ma aha na mambahen pos rohana.