MAMULAI PAKKATAION
PARSIAJARAN 5
Sopan ma Hamu
Prinsipna: “Sai lambok ma begeon akka hatamuna songon na disirai.”—Kol. 4:6.
Aha do na Diulahon si Paulus?
1. Tonton ma VIDEO, manang jaha ma Ulaon ni Apostel 17:22, 23. Dung i pikkirhon ma sukkun-sukkun on:
Songon dia do perasaan ni si Paulus tikki mangida godang akka patung sisombaon di Atena?—Ida ma Ulaon ni Apostel 17:16.
Sopan jala marbisuk do si Paulus tikki makkatai, dang disalahon ibana halak Atena. Songon dia do si Paulus mamakke haporseaon ni nasida lao paboahon barita na uli?
Aha do Parsiajaranna?
2. Gabe olo do halak manangihon barita na tapasahat molo denggan tapikkirhon aha hata na lao sidohonotta, songon dia carana, jala andigan tikki na pas pasahatton i.
Tiru ma si Paulus
3. Pillit ma hata na cocok. Misalna, tikki makkatai hita tu halak na so maragama Kristen, bisa jadi porlu do tagatti istilah na paboahon taringot Bibel manang Jesus.
4. Unang ma pittor koreksi na didok ni sasahalak. Paloas ma ibana paboahon aha na dipikkirhon ibana. Molo adong pandapotna na maralo tu ajaran ni Bibel, unang ma berdebat hamu. (Jak. 1:19) Denggan ma tangihon asa diboto hamu aha do na dihaporseai ibana jala boasa ibana porsea tusi.—Poda 20:5.
5. Molo cocok, setuju ma hamu tu na didok ni sasahalak jala puji ma ibana. Olo do sasahalak mandok haporseaonna i do na sittong. Alai adong do sian haporseaonna i na sesuai tu Bibel? Molo adong, coba ma hatai hamu i jala urupi ma ibana mangattusi aha do na diajarhon Bibel.