LAMPIRAN C

Cara Memandu Parsiajaran Bibel Mamakke Bukku Mangolu Saleleng ni Lelengna

Godang do martangiang dohot mangariset akka donganta tikki manusun bukku Mangolu Saleleng ni Lelengna. Jadi asa denggan tamanfaatton bukku on, taihutton ma akka cara on tikki memandu parsiajaran Bibel.

Sebelum marsiajar

1. Denggan ma hamu persiapan. Pikkirhon ma kebutuhan, situasi, dohot haporseaon ni parsiajar Bibelmuna. Coba ma pikkirhon bagian na dia do na mungkin maol diattusi manang maol diulahon ibana. Parrohahon ma muse bagian “Lului ma”, na bisa jadi boi mangurupi parsiajar Bibelmuna. Molo diparrohahon hamu i gabe rade ma hamu mambahas bagian i tikki dihaporluhon.

Saleleng marsiajar

2. Molo setuju parsiajar Bibelmuna, martangiang ma hamu sebelum dohot dung sae marsiajar.
3. Unang ma pagodangku hamu makkatai. Fokus ma hamu tu bahan na adong, jala paloas ma parsiajar Bibelmuna paboahon perasaanna.
4. Tikki mamulai bagian utama na baru, jaha ma tujuan ni bagian utama i jala paboa ma piga-piga judul ni pelajaran na lao dibahas.
5. Molo dung sae dibahas hamu sude pelajaran di bagian utama, bahas ma tinjauan bagian i. On mangurupi parsiajar Bibelmuna mangingot hasittongan naung diparsiajari ibana.
6. Tikki mamparsiajari ganup pelajaran:
1. Jaha ma sude paragraf na adong di bagian na di jolo.
2. Jaha ma sude ayat na martanda “Jaha”.
3. Jaha ma ayat na dikutip molo porlu.
4. Tonton ma sude video na martanda “Putar” (molo adong di hamu).
5. Pakke ma ganup sukkun-sukkun na adong.
6. Pangido ma parsiajar Bibelmuna mengomentari gambar na adong di bagian “Asa Lam Taattusi”.
7. Pakke ma kotak “Coba ma jo on”, lao mangurupi parsiajar Bibelmuna manurat kemajuan naung dibahen ibana. Jujui ma ibana mangulahon saran na adong, mambahen tujuan na asing, manang mangulahon na dua i.
8. Sukkun ma tu parsiajar Bibelmuna adong do artikel manang video di bagian “Lului ma” na menarik tikki persiapan ibana tu pelajaran i.
9. Upayahon hamu ma sae sada pelajaran setiap marsiajar hamu.

Dung sae marsiajar

7. Torus ma pikkirhon hamu parsiajar Bibelmuna i. Martangiang ma tu Jahowa asa dipasu-pasu sude upaya ni parsiajar Bibelmuna i mambahen kemajuan. Pangido ma muse bisuk tu Jahowa asa diboto hamu cara mangurupi ibana.