Ikkon Seimbang do Pandanganta taringot Minuman Beralkohol

SEBENARNA, si Tony na dipaboa di artikel na parjolo i, boi do denggan ngoluna molo seimbang pandanganna taringot minuman beralkohol. Alai ala nungnga terbiasa ibana manginum songon i godangna, jala dihilala ibana dang haccit dagingna nang pe godang minum minuman beralkohol, merasa ma ibana dang pola masalah minuman beralkohol i tu ngoluna. Alai boasa dang denggan cara berpikir sisongon i?

Kemampuanna lao mambahen keputusan dang sittong be, ala pagodangku diinum ibana minuman beralkohol. Ai sasittongna, molo pagodangku hita minum minuman beralkohol, dang denggan be cara kerja ni otakta dohot caratta menanggapi sada masalah. Jadi lam godang ibana manginum minuman beralkohol, lam moru ma kesanggupan ni otakna lao mambahen keputusan na denggan.

Alasan na paduahon boasa tadok cara berpikir ni si Tony i sala, berupaya do ibana naeng mampartahatton kebiasaanna na minum minuman beralkohol i. Songon si Allen na dipaboa di artikel sebelumna, sempat do dang diakkui ibana na sala kebiasaanna minum minuman beralkohol. Didok ibana do, “Sai hutabunihon do kebiasaanki. Molo adong pe na manukkun au, sai hulului do alasan na patuduhon dang bermasalah tu kesehatanku kebiasaanki. Alai hudok pe songon i, asa boi do hupartahatton torus kebiasaanku na minum minuman beralkohol i.” Nang pe diida halak na asing naung dikendalihon minuman beralkohol ngolu ni si Tony dohot si Allen, alai molo menurut nasida biasa-biasa do i, dang gabe masalah i. Hape sebenarna, porlu do dikendalihon nasida kebiasaanna i. Boha ma carana?

Bertindak ma Hamu!

Nungnga godang halak na boi so sian kebiasaanna minum minuman beralkohol. Diulahon nasida do hata ni Jesus na mandok, “Molo tartuktuk ho dibahen mata kananmi, pulsikkon jala bolokkon ma i. Tumagon do mago sada sian dagingmi, unang apala sude dagingmi disappatton tu Gehena.”—Mateus 5:29.

Jesus dang na lao mandok asa tapotong-potongi dagingta on. Alai dipakke Jesus do bahasa kiasan na patuduhon ikkon olo do hita mambolokkon manang aha pe sian ngolutta on na boi manegai hubunganta tu Jahowa. Memang tindakan sisongon i butuh upaya na balga do, alana olo do gabe tersiksa perasaatta di mulana i. Molo taulahon i, gabe denggan ma cara berpikirta jala terlindung ma hita sian pengaruh ni minum minuman beralkohol na so denggan. Jadi molo adong halak na mandok naung godang hita minum minuman beralkohol, segera ma hita bertindak lao mengendalihon kebiasaanta i.a Molo dang boi dikendalihon hamu kebiasaanmuna na minum minuman beralkohol i, tumagon ma pasiding sude siinumon na beralkohol. Mungkin tersiksa do perasaanmuna mangulahon i, alai tumagon nama i daripada sega ngolumuna.

Nang pe dang pecandu minuman beralkohol hamu, alai lomo do rohamuna godang minum minuman beralkohol? Molo songon i, aha do na ikkon diulahon hamu asa boi seimbang pandanganmuna taringot minuman beralkohol?

Na Boi Mangurupi

1. Pos ma rohamuna margogo do tangiang. Adong do saran na denggan sian Bibel tu sude halak na naeng mambahen las roha ni Jahowa. Didok, “Unang ma holsohon hamu manang aha, alai pangido hamu ma saluhutna tu Debata marhite tangiang dohot elek-elek mardongan hamauliateon. Asa marhite Kristus Jesus, lehonon ni Debata ma tu hamu hadameon na so boi diattusi jolma, na boi manjaga roha dohot pikkiranmuna.” (Pilippi 4:6, 7) Akka aha na boi ditangiakkon hamu asa dame pikkiranmuna?

Jujur ma hamu paboahon naung sala kebiasaanmuna taringot minum minuman beralkohol jala paboa ma na martanggung jawab hamu tu hasalaanmuna i. Paboa ma tu Debata aha na lao diulahon hamu lao mangatasi masalah i. Urupanna ma hamu jala terhindar sian masalah na balga. “Manang ise na manabunihon hasalaanna, dang na lao marhasil ibana. Alai manang ise na mangakkui hasalaanna jala muba, dapotan asi ni roha do ibana.” (Poda 28:13) Jesus pe disuru do hita asa tapaboa di tangiangta songon on, “Urupi ma hami asa unang targoda jala palua ma hami sian Sibolis.” (Mateus 6:13) Alai boha ma carana asa boi hamu bertindak sesuai tu tangiangmuna i, jala sian dia do diboto hamu na dialusi tangiangmuna?

2. Bantuan sian Hata ni Debata. “Ai mangolu do hata ni Debata i jala marhuaso. Boi do i . . . patuduhon na adong di roha dohot na adong di pikkiranta.” (Heber 4:12) Godang do halak na parminum hian boi muba ala dijaha jala dirimangi Hata ni Debata ganup ari. Panurat ni Psalmen mandok, “Marlas ni roha ma halak na so mangihutton poda ni halak na jahat. Na so mardalan di dalan ni akka pardosa. Jala na so hundul rap dohot akka pangarehei. Alai patik ni Jahowa do na dihalomohon rohana. Dijaha jala dirimangi ibana do patik i arian nang borngin . . . jala sai marhasil do sude na niulana.”—Psalmen 1:1-3.

Si Allen, na marsiajar Bibel dohot Saksi Jahowa paboahon boi do diatasi ibana kebiasaanna na minum minuman beralkohol i. Didok ibana, “Yakin do au molo dang huparsiajari Bibel jala dang huulahon prinsipna, nga mate be ra au.”

3. Porlu mangorom diri. Akka halak sian huria Kristen najolo, adong do piga-piga sian nasida na parmabuk hian. Alai didok di Bibel, ‘nungnga dipaias be nasida marhite tondi parbadia’. (1 Korint 6:9-11) Boha carana? Diurupi tondi parbadia do nasida asa patuduhon parange mangorom diri, asa unang be mabuk-mabuk jala marpesta pora. Didok di Bibel, “Unang ma mabuk hamu alani anggur, ai sursar do ngolumuna bahenon ni i. Alai sai digohi tondi parbadia ma hamu.” (Epesus 5:18; Galatia 5:21-23) Jala marjanji do Jesus, na lehonon ni Ama na di banua ginjang i do “tondi parbadia tu halak na mangido tu Ibana”. Alani i, “sai pangido hamu ma, ai na lehononna do i tu hamu”.—Lukas 11:9, 13.

Akka naposo ni Jahowa, ikkon boi do mangorom diri. Alani i, ikkon dijaha nasida do Bibel jala sungguh-sungguh martangiang asa boi patuduhon parange i. Nang pe sipata dang marhasil hita, unang ma metmet rohatta. Alai taingot ma janji na di Bibel na mandok, “Manang ise na manuan hombar tu panogu-noguon ni tondi parbadia, panenonna do hangoluan na saleleng ni lelengna sian i. Unang ma hita marnaloja mangulahon akka na denggan. Ai molo dang marnaloja hita mangulahon i, panenotta do i haduan di tikkina.”—Galatia 6:8, 9.

4. Manat ma mamillit dongan. “Gabe marbisuk do manang ise na mardongan tu halak na marbisuk. Alai gabe marjea do manang ise pe na mardongan tu halak na oto.” (Poda 13:20) Paboa ma tu donganmuna na marsitutu hamu saonari mengendalihon kebiasaanmuna manginum minuman beralkohol. Dipasingot do di Bibel, molo dang olo be hamu ‘mabuk, marpestai sahat tu na mabuk jala martaru minum’, olo do gabe “longang” akka donganmuna hian jala gabe “diissaki” nasida ma hamu. (1 Petrus 4:3, 4) Unang ma mardongan hamu tu akka halak na so olo mendukung upayamuna lao mengendalihon kebiasaan minum minuman beralkohol.

5. Bahen ma batasna. “Unang be tiru hamu akka halak na di portibi on. Alai muba ma hamu marhite paubahon pikkiranmuna, asa takkas diboto hamu lomo ni roha ni Debata na denggan, na sittong, jala na palasson rohana.” (Rom 12:2) Prinsip ni Bibel ma pakke hamu lao manottuhon sadia godang na lao inumonmuna, unang ma hata ni donganmuna manang hata ni “halak na di portibi on” na diihutton hamu asa boi dibahen hamu las roha ni Debata. Alai boha do carana manottuhon batas na denggan?

Dang adong ditottuhon sadia godang na boi diinum hamu, alana molo nungnga sega kesanggupanmuna marpikkir, berarti nungnga pagodangku diinum hamu minuman beralkohol i. Alani i, molo naeng minum minuman beralkohol hamu, takkas ma tottuhon batasna sebelum minum hamu. Unang ma terlalu percaya diri hamu. Jadi tottuhon ma batas na jelas jala na aman, asa unang gabe sanga diulahon hamu ulaon na so suman ala pengaruh ni minum minuman beralkohol.

6. Barani ma hamu lao mandok daong. “Molo olo dok ma ‘Olo’, molo dang dok ma ‘dang’.” (Mateus 5:37) Molo adong halak na tulus rohana jala sai manjujui hamu minum minuman beralkohol, denggan ma tolak hamuna i. Didok di Bibel, “Sai lambok ma begeon akka hatamuna songon na disirai, asa diboto hamu mangalehon alus na denggan tu ganup halak.”—Kolosse 4:6.

7. Lului ma bantuan. Pangido ma pangurupion ni akka dongan na mendukung hamu mangulahon prinsip ni Bibel jala na mendukung upayamuna lao mengendalihon kebiasaan minum minuman beralkohol. Didok di Bibel, “Dumenggan do dua halak sian na sahalak. Ai boi ma nasida rap karejo, jala dumenggan ma hasilna. Ai molo madabu na sada, boi ma na sada nai manogu.” (Parjamita 4:9, 10; Jakobus 5:14, 16) Lembaga Penyalahgunaan dan Kecanduan Minuman Beralkohol Nasional di Amerika Serikat mandok, “Mungkin maol do di hamu pasohon kebiasaan minum minuman beralkohol. Alai pangido ma asa diurupi akka dongan dohot keluarga hamu lao mengendalihon i.”

8. Partahatton ma upayamuna. Didok di Bibel, “Unang paoto-oto hamu dirimuna marhite holan na manangihon hata i, alai ikkon ulahononmuna do hata i. Alai halak na mamareso patik na sun denggan na parohon haluaon i, jala na toktong mambahen songon i, ibana ma halak na manangihon, na mangulahon jala na so makkalupahon hata i. Marlas ni roha ma ibana ala diulahon i.”—Jakobus 1:22, 25.

Boi do Hamu Dang Kecanduan Minuman Beralkohol be

Dang sude halak na minum minuman beralkohol gabe kecanduan. Alai adong do halak na pagodangku minum jala sering manginum i. Ujungna gabe kecanduan ma nasida. Alana adong do kandungan ni minuman beralkohol i na mambahen gabe kecanduan. Jala adong do halak na ikkon minum tiap ari. Molo songon i ikkon marsitutu do nasida jala mangihutton prinsip ni Bibel asa boi dipaso kebiasaanna minum minuman beralkohol i. Songon na didok si Allen, “Tikki hupaso minum minuman beralkohol, tersiksa do hurasa mulana i. Jala asing ni mangihutton prinsip ni Bibel, marubat do tong au.”

Godang do halak naung kecanduan minuman beralkohol ikkon mandapot perawatan medis, asa boi dipaso nasida kebiasaanna minum minuman beralkohol.b Adong do piga-piga ala dipaso minum minuman beralkohol gabe marsahit jala ikkon dirawat di rumah sakit. Manang ikkon diubati asa moru kecanduanna tu minuman beralkohol i, bahkan asa boi i dipaso. Didok Jesus do, “Dang porlu pangubati tu halak na sehat, tu na marsahit do.”—Markus 2:17.

Manfaat ni Mangihutton Petunjuk ni Debata

Debata do na mangalehon poda di Bibel taringot minum minuman beralkohol. Lomo do rohana asa denggan ngolutta jala sehat salelengna. Dung 24 taon si Allen so minum minuman beralkohol, didok ibana ma, “Boi pe au so minum minuman beralkohol, ala diurupi Jahowa do au mangulahon i, jala . . .” Sip ma satokkin si Allen ala tangis ibana mangingot pengalamanna najolo. “Hmm, . . . ala parduli Jahowa tu au jala dilehon godang bantuan asa boi au muba, luar biasa do i hurasa.”

Jadi molo kecanduan minuman beralkohol hamu, unang ma pittor menyerah jala didok rohamuna dang boi dipaso hamu kebiasaanmuna i. Si Allen dohot godang muse halak na asing, hea do makkilala songon i. Alai boi do diorui nasida na minum minuman beralkohol i, bahkan dang diinum be sama sekali. Dang manolsoli nasida. Pos rohanami, hamu pe boi do songon i.

Nang pe dipillit hamu otik minum minuman beralkohol, manang sama sekali dang diinum hamu, oloi ma poda ni Debata na mandok, “Autsugari diparrohahon ho akka parettakki! Dos songon sunge ma hadameonmu, jala songon galumbang ni laut ma akka pambahenanmu na denggan.”—Jesaya 48:18.

[Surat na di Toru]

[Kotak/​Gambar]

Minuman Beralkohol do na Mengendalihon Ngolukku?

Sukkun hamu ma dirimuna:

• Unggodang do au saonari minum minuman beralkohol sian najolo?

• Lam jotjot do au minum minuman beralkohol saonari?

• Gabe lam timbo do kadar ni minuman beralkohol na huinum?

• Molo stres au jala godang masalah gabe godang do au minum minuman beralkohol?

• Adong do dongan manang keluarga na pasingotton au taringot kebiasaanku minum minuman beralkohol?

• Gabe masalah do kebiasaanku minum minuman beralkohol di jabu, di tempat karejo, manang tikki di pardalanan au?

• Gabe marsak do au molo dang huinum minuman beralkohol saleleng saminggu?

• Boha do perasaanku molo adong na so olo minum minuman beralkohol?

• Hutabunihon do sadia godang minuman beralkohol na huinum?

Molo alusmuna ido tu akka sukkun-sukkun on, ikkon bertindak do hamu asa boi dikendalihon hamu kebiasaan minum minuman beralkohol.

[Kotak/​Gambar]

Bahen ma Keputusan na Denggan Taringot Minum Minuman Beralkohol

Sebelum diinum hamu minuman beralkohol, pikkirhon ma on:

• Molo huinum minuman beralkohol boha do pengaruh ni i tu dirikku, denggan do manang dang?

Saran: Molo dang boi diorom sasahalak dirina tumagon ma dang minum minuman beralkohol.

• Sadia godang do na boi huinum?

Saran: Sebelum minum, tottuhon hian ma batas sadia godang na lao inumonmuna.

• Andigan do au minum?

Saran: Unang tikki mamboan kendaraan manang tikki mangulahon ulaon na porlu hati-hati; unang tikki lao beribadat; molo hamil; manang molo lagi menjalani perawatan kesehatan hamu.

• Didia do au minum minuman beralkohol?

Saran: Di inganan na boi adong paingotton hamu molo godang hamu minum; unang di inganan na buni; manang unang di jolo ni halak na boi gabe tersinggung ala minum hamu.

• Ise do donganku minum?

Saran: Dohot dongan na burju manang keluarga; unang dohot halak na kecanduan minuman beralkohol.

[Kotak/​Gambar]

Hata ni Debata Mangurupi Sahalak Parmabuk Muba

Si Supot, na tinggal di Thailand, sahalak parmabuk hian do ibana. Mulana holan borngin do ibana minum. Hape pagi pe gabe minum do ibana dohot arian. Jotjot pe ibana minum asa mabuk do. Alai mulai ma ibana marsiajar Bibel dohot Saksi Jahowa. Tikki diparsiajari ibana na so lomo roha ni Jahowa tu parmabuk, dang olo be ibana minum minuman beralkohol. Alai dung salpu piga-piga tikki, mulak ma muse diulahon ibana kebiasaanna i. Gabe lungun ma roha ni keluargana.

Holong do roha ni si Supot tu Jahowa jala naeng disomba ibana do Jahowa sesuai tu lomo ni roha ni Jahowa. Didukung akka donganna do si Supot jala dipangido do tu keluargana asa godang tikki ni nasida mandongani si Supot jala asa unang menyerah nasida. Takkas do diboto si Supot hata na disurat di 1 Korint 6:10 molo ‘parmabuk dang adong parbagiananna di Harajaon ni Debata’. On ma na mambahen ibana sadar masalah na serius do kebiasaanna i. Jadi ikkon berupaya do ibana asa boi mengendalihon kebiasaanna minum minuman beralkohol i.

Marsitutu ma muse si Supot asa dang diinum be sama sekali minuman beralkohol. Ala diurupi tondi parbadia, Hata ni Debata, keluargana dohot huria gabe margogo ma si Supot lao mengendalihon kebiasaan minumna i. Tikki dilehon si Supot ngoluna lao manomba Jahowa jala tardidi, las hian ma roha ni keluargana. Saonari, nungnga jonok be hubungan ni si Supot tu Jahowa jala i do lomo ni rohana. Las do rohana mangurupi na asing asa mananda Debata.