Bermanfaat do Rekreasi na Dinikmati Hamu?

“Pastihon hamu ma akka na dihalomohon Tuhan i.”—EPS. 5:10.

1, 2. (a) Sian dia do taboto memang lomo do roha ni Jahowa asa marlas ni roha hita di ngolutta? (b) Molo taanggap do rekreasi i “silehon-lehon ni Debata”, aha do na ikkon taulahon?

MOLO tajaha di Bibel, lomo do roha ni Jahowa asa marlas ni roha hita di ngolutta. Misalna dipaboa do di Psalmen 104:14, 15 dibahen Jahowa do ‘gabe adong ma sipanganon sian tano on. Adong ma anggur na mambahen las roha ni jolma, miak na mambahen bagak bohi ni nasida, jala adong roti na mambahen las roha ni jolma’. Ala ditoppa Jahowa akka suan-suanan, gabe boi ma dapotta sian i akka biji-bijian, miak, dohot anggur lao allangonta. Jala anggur pe boi do mambahen ‘sonang rohatta’. Nang pe dang porlu hian anggur di ngolutta, alai boi do i mambahen las rohatta. (Pjm. 9:7; 10:19) Jadi lomo do roha ni Jahowa asa ‘las rohatta’.—Ul. 14:16, 17.

² Jadi dang sala molo lao hita sahali-sahali mamparrohahon “akka pidong na di langit” dohot “akka bunga na di ladang”. Jala dang sala molo lao hita sahali-sahali mangulahon kegiatan na asing na boi mambahen hita semangat jala marlas ni roha. (Mat. 6:26, 28; Ps. 8:3, 4) “Silehon-lehon ni Debata” do las ni roha dohot hangoluan na martujuan. (Pjm. 3:12, 13) Jadi molo taanggap do rekreasi i silehon-lehon ni Debata, pasti olo do hita mamillit rekreasi na sadalan tu lomo ni rohana.a

Jenis dohot Batas

3. Boasa dang sarupa rekreasi na dinikmati sude halak?

³ Molo seimbang pandangan ni sasahalak taringot rekreasi, pasti diboto ibana do nang pe marragam jenis ni rekreasi, alai porlu do tabatasi i. Boasa songon i? Asa boi taattusi, coba ma tabandingkon rekreasi tu sipanganon. Marragam do sipanganon na diallang akka halak di portibi on. Sipanganon na tabo menurut akka halak di sada daerah, belum tentu tabo menurut halak di daerah na asing. Dos songon i ma, rekreasi na dihalomohon halak Kristen di sada daerah, belum tentu dihalomohon halak Kristen di daerah na asing. Haru halak Kristen na tinggal di sada daerah pe belum tentu sarupa rekreasi na dihalomohon nasida. Misalna, adong do halak Kristen na lomo rohana manjaha bukku. Alai menurut halak na asing, mambahen bosan do i. Manang adong do halak na lomo rohana marsepeda. Alai olo do paloja-lojahon i dianggap halak na asing. Jadi bebas do halak mamillit sipanganon dohot rekreasi na dihalomohon nasida.—Rom 14:2-4.

4. Boasa porlu tabahen batas-batas tu jenis ni rekreasi na tapillit? Bahen ma tudosan.

⁴ Taboto do nang pe marragam jenis ni rekreasi, alai dang boi sude jenis ni rekreasi i tanikmati. Songon tudosan sipanganon nakkin, nang pe marragam jenis ni sipanganon, pasti dang olo hita mangallang sipanganon na busuk. Alana boi do i mambahen hita marsahit. Dos songon i ma, nang pe bebas hita mamillit jenis ni rekreasi, pasti dang olo hita mamillit rekreasi na boi mambahen hita marjea, na patuduhon kekerasan manang seks na so patut. Alana maralo do i tu prinsip ni Bibel jala boi do i mambahen hita marsahit manang manegai hubungatta tu Jahowa. Jadi porlu do tabahen batas-batasna. Porlu do tapikkirhon hian, bermanfaat do rekreasi na tapillit i manang na dang. (Eps. 5:10) Boha carana?

5. Boha do carana manottuhon sadalan do rekreasi na tapillit tu aturan ni Debata manang na dang?

⁵ Asa boi hita menikmati rekreasi na bermanfaat jala na mambahen las roha ni Jahowa, ikkon sadalan do i tu aturan ni Debata na adong di Bibel. (Ps. 86:11) Asa boi taulahon i, ikkon tabahen do sada daftar periksa. Jala tabahen ma tolu sukkun-sukkun di daftar periksa i, i ma aha, sadia leleng, dohot ise. Tabahas ma i sada-sada.

Akka Aha?

6. Hiburan na songon dia do na so boi dipillit halak Kristen? Boasa songon i?

⁶ Sebelum tapillit sada rekreasi, parjolo-jolo ikkon tasukkun do diritta, Aha? Lapatanna, ‘Kegiatan aha do lomo ni rohakku?’ Asa boi taboto alusna, porlu do taingot adong dua jenis ni hiburan. Na parjolo, hiburan na so boi taulahon. Jala na paduahon, hiburan na boi tapertimbangkon. Akka aha do na termasuk hiburan na so boi taulahon i? Godang do hiburan di portibi on na so sadalan tu prinsip ni Bibel manang patik ni Debata. (1 Joh. 5:19) Jadi dang boi halak Kristen mamillit hiburan na songon i. Termasuk ma i hiburan na patuduhon adegan sadis, spiritisme, homoseksualitas, pornografi, manang kekerasan. Manang hiburan na mambahen gabe hira na denggan mangulahon na jahat dohot mangulahon seks na so patut. (1 Kor. 6:9, 10; jaha Pangungkapon 21:8.) Molo dang olo hita mamillit hiburan na songon i, tikki sahalakta manang tikki rap dohot halak na asing, hira na tapatudu do tu Jahowa na ‘sogo do rohatta mangida na jahat’.—Rom 12:9; 1 Joh. 1:5, 6.

7, 8. Aha do na boi mangurupi hita tikki mambahen keputusan taringot mamillit jenis ni rekreasi? Bahen ma contoh.

⁷ Hiburan na boi tapertimbangkon, i ma hiburan na so maralo tu aturan ni Debata. Sebelum tapillit jenis hiburan i, porlu do tapareso prinsip ni Bibel lao mamboto lomo ni roha ni Debata. (Poda 4:10, 11) Dung i, taihutton ma hati nuranitta naung tarlatik tikki mambahen keputusan. (Gal. 6:5; 1 Tim. 1:19) Boha carana? Taida ma sada tudosan. Sebelum tacoba sada sipanganon na baru, pasti jolo tasukkun do akka aha bahanna. Dos songon i ma, sebelum tapillit sada jenis ni rekreasi, porlu do taboto akka aha na diulahon disi.—Eps. 5:17.

⁸ Contohna, lomo do ra rohamuna berolahraga. Denggan do olahraga i, jala boi mambahen las roha. Alai boha molo lomo rohamuna tu sada jenis olahraga na patuduhon persaingan na agresif, beresiko tinggi, na sering mambahen halak celaka, adong pesta liar, patuduhon semangat nasionalisme, manang na songon i? Molo dipareso hamu prinsip ni Bibel, boi ma diboto hamu dang sadalan i tu lomo ni roha ni Debata. Jala dang sadalan i tu barita na uli taringot hadameon dohot holong ni roha na tapaboa tu akka halak. (Jes. 61:1; Gal. 5:19-21) Alai molo sadalan do tu lomo ni roha ni Jahowa rekreasi na tapillit i, pasti bermanfaat do i tu hita jala mambahen las rohatta.—Gal. 5:22, 23; jaha Pilippi 4:8.

Sadia Leleng?

9. Aha do na boi taboto sian alusta tu sukkun-sukkun sadia leleng?

⁹ Na paduahon, porlu do tasukkun tu diritta, Sadia leleng? Lapatanna, ‘Sadia leleng do tikki na hupakke lao menikmati rekreasi, jala andigan au mangulahon i?’ Sian alus ni sukkun-sukkun aha, boi ma taboto rekreasi na dia na boi taulahon. Alai sian alus ni sukkun-sukkun sadia leleng, boi ma taboto aha na paling penting di hita. Jadi songon dia do carana mamboto rekreasi do na paling penting di hita manang na dang?

10, 11. Songon dia do hata ni Jesus na disurat di Mateus 6:33 mangurupi hita lao manottuhon sadia leleng tikkitta lao menikmati rekreasi?

¹⁰ Didok Jesus do tu akka siseanna, “Ikkon haholonganmu do Jahowa Debatamuna sian nasa rohamuna, sian nasa ngolumuna, sian nasa pikkiranmuna, dohot sian nasa gogomuna.” (Mrk. 12:30) Jadi, holong ni rohatta tu Jahowa do na paling penting di ngolutta. Boi do tapatudu i molo taihutton nasehat ni Jesus na mandok, “Sai parjolo ma lului Harajaon ni Debata dohot akka na sittong na dihalomohon rohana. Dung i lehononna ma sude na porlu di hamu.” (Mat. 6:33) Songon dia do ayat i boi mangurupi hita mamboto sadia rikkot do rekreasi di hita? Jala songon dia do ayat i mangurupi hita lao manottuhon sadia leleng tikki na tapakke lao menikmati rekreasi i?

¹¹ Parrohahon ma hata ni Jesus i. Didok ibana, “Sai parjolo ma lului Harajaon ni Debata.” Dang didok Jesus holan Harajaon ni Debata ma torus lului. Jadi diboto Jesus do adong na asing na porlu talului asing ni Harajaon ni Debata. Porlu do di hita jabu, sipanganon, pakkean, pendidikan dasar, karejo, rekreasi, dohot na asing. Alai sian sudena i, holan sada do na paling penting, i ma Harajaon ni Debata. (1 Kor. 7:29-31) Jadi molo taattusi do prinsip i, unang ma tabahen kegiatan na asing termasuk rekreasi gabe uppetting sian Harajaon ni Debata. Molo songon i na tabahen, pasti bermanfaat do rekreasi na tanikmati i tu hita.

12. Songon dia do prinsip di Lukas 14:28 mangurupi hita manottuhon sadia leleng tikkitta lao menikmati rekreasi?

¹² Jadi sebelum rekreasi hita, porlu do tatottuhon sadia leleng hita menikmati rekreasi i. (Luk. 14:28) Boi do gabe habis tikkitta alani rekreasi molo palelengku hita menikmati i. Boi do gabe tinggal kegiatan penting na asing, songon pelajaran pribadi, ibadat keluarga, marpungu, manang marbarita. Akibatna, gabe dang bermanfaat be rekreasi i tu hita. (Mrk. 8:36) Alai molo dang tinggal ulaon Harajaon ni Debata alani rekreasi i, pasti bermanfaat do rekreasi i tu hita.

Ise Donganta?

13. Boasa ikkon tapikkirhon ise donganta na lao taajak menikmati rekreasi?

¹³ Sukkun-sukkun na patoluhon, i ma Ise? Lapatanna, ‘Ise do donganta menikmati rekreasi i?’ Porlu do tapikkirhon on, alana boi do donganta i mambahen gabe bermanfaat do rekreasi i manang na dang. Contohna, pasti las do rohatta molo rap mangan hita dohot dongan na burju. Dos songon i ma rekreasi. Alani i ma, pasti lomo do rohatta mangajak dongan na asing tikki rekreasi, tarlumobi akka na poso. Alai asa bermanfaat rekreasi i tu hita, porlu do tatottuhon hian akka halak na songon dia do na lao taajak menikmati rekreasi i.—2 Kron. 19:2; jaha Poda 13:20; Jak. 4:4.

14, 15. (a) Sitiruon aha do na dibahen Jesus tikki mamillit dongan? (b) Tikki mamillit dongan, sukkun-sukkun aha do na porlu tapikkirhon?

¹⁴ Porlu do tapikkirhon sitiruon na dibahen Jesus tikki mamillit dongan. Mulai sian ditoppa Debata tano on, lomo do roha ni Jesus mangida jolma. (Poda 8:31) Tikki di tano on pe ibana, dihaholongi jala diargai ibana do akka halak na sian marragam latar belakang. (Mat. 15:29-37) Alai nang pe burju ibana tu sude halak, holan tu piga-piga halak do ibana mardongan. Didok Jesus do tu 11 apostelna na setia, “Ale-alekku do hamu molo diulahon hamu akka parettakku.” (Joh. 15:14; ida muse Joh. 13:27, 30.) Holan halak na mangihutton ibana jala na manomba Jahowa do na dibahen Jesus gabe donganna.

¹⁵ Jadi tikki naeng mamillit dongan, porlu do tapikkirhon hata ni Jesus on. Porlu do tapikkirhon, ‘Tarida do sian pakkataion dohot pangalahona, na dioloi ibana paretta ni Jahowa dohot Jesus? Holong do rohana tu na denggan, jala sogo do rohana tu na jahat? Molo mardongan au tu ibana, gabe tamba semangat do au manjumolohon Harajaon ni Debata? Jala gabe setia do au manomba Jahowa?’ Molo olo do alusmuna tu sukkun-sukkun i, berarti nungnga dapotmu be dongan na lao ajakonmuna lao menikmati rekreasi.—Jaha Psalmen 119:63; 2 Kor. 6:14; 2 Tim. 2:22.

Memenuhi Syarat do Rekreasi na Tapillit?

16. Aha do na porlu tatottuhon taringot hiburan na tapillit?

¹⁶ Nungnga tabahas tolu sukkun-sukkun taringot mamillit hiburan, aha, sadia leleng, jala ise. Jadi asa bermanfaat rekreasi na tapillit, ikkon sadalan do i sude tu aturan ni Debata na adong di Bibel. Sebelum menikmati rekreasi, pikkirhon ma sukkun-sukkun on: ‘Hiburan na denggan do i manang na so tama?’ (Poda 4:20-27) ‘Sadia leleng do au menikmati rekreasi i? Gabe bermanfaat do i tu au manang na dang?’ (1 Tim. 4:8) ‘Ise do donganku menikmati rekreasi i? Dongan na denggan do na huajak manang na dang?’—Pjm. 9:18; 1 Kor. 15:33.

17, 18. (a) Boha carana mamboto bermanfaat do rekreasi i tu hita manang na dang? (b) Aha do tekadmuna taringot mamillit rekreasi?

¹⁷ Molo adong taida di rekreasi i na so sadalan tu Hata ni Debata, berarti dang memenuhi syarat rekreasi i. Alai molo memenuhi syarat rekreasi i tu tolu sukkun-sukkun nakkin, berarti bermanfaat do rekreasi i tu hita jala pasangappon Jahowa.—Ps. 119:33-35.

¹⁸ Jadi tikki naeng mambahen keputusan hita taringot rekreasi, porlu do tapastihon rekreasi na songon dia do na tapillit i, sadia leleng hita menikmati i, jala ise do donganta na taajak menikmati i. Anggiat ma sude hita mangihutton nasehat di Bibel na mandok, “Manang aha pe na diallang hamu, na diinum hamu, manang na diulahon hamu, ulahon hamu ma i sude lao pasangappon Debata.”—1 Kor. 10:31.

[Surat na di Toru]

Boi do Dipatorang Hamu?

Taringot mamillit rekreasi, boha do caramuna menerappon prinsip di . . .

• Pilippi 4:8?

• Mateus 6:33?

• Poda 13:20?

[Diagram]

✔Aha

[Diagram]

✔Sadia Leleng

[Diagram]

✔Ise

[Gambar]

Boha do caratta maniru Jesus taringot mamillit dongan na lao taajak menikmati rekreasi?