Bibel Mambahen Denggan Ngolukku

“Dang Marnapuas Au Minum.”​—LUKA ŠUC

TUBU TAON: 1975

NEGERI ASAL: SLOVENIA

RIWAYAT HIDUP: PARMINUM

NGOLUKKU NA UJU I: Tubu di Ljubljana do au, ibukota ni Slovenia. Sonang do ngolukku tikki gelleng. Alai marujung ma i sude dung mate manikkot bapakku tikki marumur opat taon au. Dung kejadian i, ikkon kerja keras ma omak asa boi memenuhi kebutuhan ni dua anakna, i ma au dohot abangku.

Tikki marumur 15 taon, pinda ma au tu jabu ni oppung. Lomo hian do rohakku disi. Alana, godang do donganku na tinggal di jonok ni jabu ni oppung. Jala gabe bebas ma au disi. Tikki marumur 16 taon, mulai ma au mardongan dohot akka parminum tikki di ari Sabtu dohot Minggu. Hupaganjang do obukku, sursar do carakku marpakkean, jala mulai ma au dohot marisap.

Hucoba do marragam narkoba. Alai tu minuman beralkohol do na unlomo rohakku. Mulana, holan piga-piga galas anggur do huinum. Alai lam leleng boi ma hupahabis piga-piga botol. Lam malo ma muse au mambahen attar-attar dang mabuk. Jolo dianggo halak ma hosakku baru ma diboto nasida na habis minum au. Nang pe boi dianggo nasida i, alai dang boi diboto nasida nga piga liter hupahabis anggur dohot bir, jala hucampur do i dohot vodka!

Au do na ussering manogu-nogu donganku na tenggen dung mulak sian diskotik. Hape unggodang do na huinum sian na diinum nasida, dua hali loppit sian na diinum nasida ma. Di sada tikki, tarbege au ma sahalak donganku na mangarehei au. Didok ibana, dang marnapuas au minum. Gabe haccit ma rohakku mambege i.

Mulai ma hupikkiri ngolukku, gabe dang mararga huhilala dirikku. Alana dang adong dope akka na marguna huulahon.

SONGON DIA BIBEL PAUBAHON NGOLUKKU: Tikki i, adong huida dongan sakalashu na muba. Gabe halak na lambok ibana. Ala penasaran au, huajak ma ibana makkatai tu kafe. Dipaboa ibana ma na lagi marsiajar Bibel ibana dohot Saksi Jahowa. Diceritahon ibana ma akka na diparsiajari ibana jala hira na baru do i sude di au. Alana dang hea au marsiajar taringot agama mulai sian na gelleng. Dung i dohot ma au marpungu jala marsiajar Bibel dohot Saksi Jahowa.

Dung marsiajar Bibel, godang ma ajaran na sittong na hona tu rohakku. Misalna, sian Bibel huboto ma na mangolu di “ari parpudi” do hita saonari. (2 Timoteus 3:1-5) Jala huboto ma muse, lao dipamate Debata do sude halak na jahat di tano on jala lehononna ma ngolu na saleleng ni lelengna di Paradeiso tu akka halak na burju. (Psalmen 37:29) Gabe bertekad ma au lao padenggatton ngolukku asa boi rap dohot akka halak na burju i.

Huceritahon ma na huparsiajari i tu akka donganku. Hampir sude do nasida mangarehei au. Alai uttung ma songon i dibahen nasida. Alana gabe huboto ma dang dongan hape nasida. Jala gabe sadar ma au, ala mardongan tu nasida do makana gabe parminum au. Holan ari Sabtu dohot ari Minggu do na dipaima-ima nasida asa boi minum-minum muse.

Jadi dang olo be au mardongan dohot nasida. Holan tu Saksi Jahowa nama au mardongan jala mangalehon pengaruh na denggan do nasida tu au. Dihaholongi nasida do Jahowa sian ias ni rohana jala berusaha do nasida mangihutton aturan ni Jahowa di ngoluna. Palan-palan gabe boi ma hupaso kecanduanku tu minuman beralkohol.

LABA NA HUDAPOT: Mandok mauliate do au tu Jahowa. Alana saonari dang ikkon jolo minum au asa sonang. Molo songon najolo i dope ngolukku, dang huboto be gabe songon dia au saonari. Alai molo saonari, nga denggan be ngolukku.

Pitu taon na parpudi on, karejo di kantor cabang ni Saksi Jahowa na di Slovenia do au. Gabe martujuan do ngolukku ala hutanda Jahowa jala husomba Ibana.