Pangke ma jw.org Tingki Hamu Marbarita​—”Menjadi Sahabat Yehuwa”

Di toru ni judul ”Ajaran Alkitab” di jw.org, adong diparade tu dakdanak, i ma ”Menjadi Sahabat Yehuwa”. Disi, adong logu, video, dohot ulaon. Nunga dipangke hamu on tingki marbarita? Molo adong dakdanak ni parsiajar Bibel muna, patudu ma tu ibana, asa on boi mangonjar rohana mambungka bagian na asing di situs Webta.

Sahalak donganta baoa pasarhon Barita Harajaon No. 38 tu sahalak ina na mardakdanak. Jalo ma dijaha inanta i. Ianakhonna pe giot naeng mamboto risalah i. Diulas donganta on ma saotik isina jala dipatuduhon alamat Webta di alaman parpudi sian risalah i. Ala ditangihon ina on, dipatuduhon donganta on ma sada sian video Kaleb tu inanta i dohot tu ianakhonna sian handphonena sandiri.

Sahalak donganta borua paboahon tu dongan sakarejona naung mardakdanak taringot situs Webta dohot hatorangan na denggan tu parsaripeon. Diida ina i ma jw.org rap dohot ianakhonna. Di pudian ni ari, dipaboa ina i ma tu donganta on molo ianakhonna marendei di jabu logu ”Beritakanlah Firman”, sada sian logu di ”Menjadi Sahabat Yehuwa”.

Tanda ma bagian jw.org on jala download sada sian video, logu, manang ulaonna di handphone manang tablet Muna. Marhite i, boi hamu rade mamangke jw.org tingki marbarita. On sada alat na mansai denggan na boi mangurupi hita gabe sipangoloi di Tuan!​—Ulaon. 20:19.