Mamangke Tingki Sadenggandengganna Tingki Marbarita na Uli
Saleleng taon dinas 2014, Sitindangi Ni Jahowa mamangke 1.945.487.604 jom diulaon Marbarita na uli—On patuduhon molo hita marsitutu marbarita na uli! (Ps. 110:3; 1 Kor. 15:58) Ala marningot ”Jempek na ma tingki”, boi do talehon lam godang tingkinta asa boi pajumpang tu gumodangan jolma?—1 Kor. 7:29 Bibel Siganup Ari.
Porlu tapahombar dirinta tu ulaon marbarita asa boi tapangke tingkinta sadengandenganna. Umpamana, molo jotjot marbarita holan sajom manang lobi ala so adong jolma di jabu, boi do tapahombar dirinta laho tu inganan na asing asa pajumpang dohot gumodangan halak? Ndang dos tutu angka na masa di ganup inganan. Alai angka sipaingot na di toruon, boi do ra mangurupi hita mamangke tingki sadengandengganna asa unang ”songon na manampul alogo”.—1 Kor. 9:26.
Marbarita sian Jabu tu Jabu: Nunga martaontaon, angka penyiar jotjot mamungka ulaon nasida marbarita na uli sian jabu tu jabu. Alai, torop do halak karejo mulai sian manogot mambahen hita maol pajumpang dohot nasida di jabu, antong molo songon i, tasubo ma marbarita na uli di botari, tingki torop halak di jabu. Molo arian, dumengganan marbarita di dalan dohot di onan.
Marbarita Di inganan na Torop Jolma: Denggan molo meja dohot rak ni buku na marroda dipatupa di inganan naung ditontuhon tu sada huria na torop di bolus halak. (Ida ma Pelayanan Kerajaan Kita Juli 2013, alaman 5.) Molo ndang torop be halak di inganan i, diatur Punguan ni Sintua na Mangaradoti Huria ma asa pinda tu inganan na asing na dumenggan.
Manjumpangi Muse dohot Mangajarhon Bibel: Boi do aturonmu tingkimu laho manjumpangi muse manang mangajarhon Bibel di tingki na asing? Umpamana, molo dumenggan do marbarita sian jabu tu jabu di ari Sabtu manogot, boi do hamu manjumpangi muse dohot mangajarhon Bibel di botari manang borngin? Boi do penyiar diatur asa laho dohot penyiar na asing na rap adong sijumpangnna muse?
Nang pe boi taetong jomta marbarita na uli, alai tamba do las ni rohanta molo pajumpang dohot godang halak. Molo hurang do dengganna sada isara laho marbarita na uli di sadasada tingki, tasubo ma isara na asing na dumenggan. Martangiang ma manjalo pangurupion tu ”Nampuna sisabion” asa boi tapangke tingki sadenggandengganna tingki marbarita na uli!—Mat. 9:38.