Disarihon Panoppatta do Hita

1. DIBAHEN MATANIARI

Molo dang adong mataniari, dang mungkin boi hita mangolu. Alani mataniari boi mangolu suan-suanan, marbunga, jala marparbue. Alani mataniari, ditarik urat ni hau ma aek sian tano. Nakkok ma aek i tu bulungna jala menguap tu udara.

2. DIBAHEN UDAN

Silehon-lehon ni Panoppatta do udan dohot musim panen. Alani udan do boi marparbue suan-suanan gabe adong ma siallangonta. Las hian do rohatta ala gok sipanganon di portibi on.

3. DILEAN SIPANGANON DOHOT PAKKEAN

Godang do kepala keluarga na holsoan lao paradehon sipanganon dohot pakkean tu keluargana. Hape Kitab Sucia mandok, “Parrohahon hamu ma angka pidong na di langit, na so manabur boni manang manggotil manang na so papunguhon. Alai, dilehon Amamuna na di banua ginjang i do sipanganon tu nasida. Nda ummarga hamu sian angka pidong i?”​—Mateus 6:25, 26.

“Parrohahon ma angka bunga-bunga di ladang . . . ; Alai hudok ma tu hamu, gari pangkean ni si Salomo uju di hasangaponna, ndang songon uli ni bunga-bunga i. Dilehon Debata do pangkean na uli tu angka suan-suanan di ladang . . . , tarlumobi ma tu hamu, nda lehononna pangkeanmuna?”​—Mateus 6:28-30.

Ala dilean Sitoppa hita do sipanganon dohot pakkean, tottu pos do rohatta lehononna do na asing na tahaporluhon. Alai molo taoloi Ibana, jala marsitutu hita karejo pasti boi do dapotta na tahaporluhon.​—Mateus 6:32, 33.

Jadi, tikki taida mataniari, udan, pidong, dohot bunga, gabe holong ma rohatta tu Panoppatta. Lao taulas ma muse boha do cara ni Sitoppa hita makkatai tu jolma.