HANGOLUAN NI HALAK KRISTEN
Porsea Situtu do Hamu tu Janji ni Jahowa?
Dihatindangkon si Josua dohot si Salomo, ndang adong na so saut nanggo sada sian janji ni Jahowa. (Jos 23:14; 1Raj 8:56) Hata ni nasida na dua, paposhon rohanta asa marhaporseaon tu Jahowa.—2Kor 13:1; Tit 1:2.
Songon dia do Jahowa manggohi janjiNa di tingki ni si Josua? Tonton hamu ma drama video ”Tidak Satu Kata Pun yang Tidak Ditepati”. Dung i, ulas ma sungkunsungkun on: (1) Songon dia do hamu boi maniru haporseaon ni si Rahab? (Heb 11:31; Jak 2:24-26) (2) Songon dia do parange ni si Agan na so unduk boi parohon jea? (3) Boasa margabus halak Gibeon tu si Josua jala mardame tu halak Israel? (4) Songon dia do Jahowa pasauthon hataNa tingki adong lima raja ni halak Amori mangancam halak Israel? (Jos 10:5-14) (5) Songon dia do Jahowa manggohi na porlu di hamu tingki diharingkothon hamu HarajaonNa dohot hatigoranNa?—Mat 6:33.
Molo tarimangi sude naung diulahon Jahowa saonari dohot di tingki naung salpu, jala tarimangi na laho ulahononNa, lam porsea ma hita tu janjiNa.—Rom 8:31, 32.
Marhaporseaon do hamu songon si Josua?