HANGOLUAN NI HALAK KRISTEN
Lehon ma Ngolumuna Laho Mamuji Jahowa!
Sada silehonlehon na mansai arga do hangoluanta. Parniulaonta siganup ari patuduhon sadia balga pangargaionta. Ala Sitindangi Ni Jahowa do hita, tapangke ma bakat dohot haboionta laho mamuji jala pasangaphon Jahowa, Silehon Hangoluan. (Ps 36:10; Pgk 4:11) Alai, olo do ala mangolu di portibi na jahat, gabe holsoan jala ndang taharingkothon be ulaon partondion. (Mrk 4:18, 19) Denggan do molo tasungkun dirinta, ’Hulehon do na dumenggan tu Jahowa? (Hos 14:3) Karejongku do na rumingkot di ahu? Aha do cita-citaku di ulaon partondion? Songon dia do ahu mangalehon na dumenggan di ulaon marbarita?’ Molo adong do na ringkot dipadenggan, pangido ma pangurupion ni Jahowa jala bahen ma hamubaon. Pos ma rohamuna! Parohon las ni roha do molo tapuji jala tapasangap Jahowa ganup ari!—Ps 61:9.
Tu ise do dilehon hamu bakatmuna?
TONTON MA VIDEO PANGKE MA BAKATMUNA LAHO MAMUJI JAHOWA, JALA ULAS MA SUNGKUNSUNGKUN ON:
Boasa sada haotoon do mangalehon bakatnta tu portibi ni Sibolis? (1Joh 2:17)
Aha do pasupasu na tadapot molo talehon na dumenggan tu Jahowa?
Songon dia do hita boi mamangke bakat dohot haboionta tu Jahowa?