HANGOLUAN NI HALAK KRISTEN
Tongtong ma Tiru Kristus
Dibahen Jesus do sitiruon tu hita, tarlumobi tingki adong sitaonon. (1Ptr 2:21-23) Nang pe Jesus dileai, ndang olo ibana mambalos i. (Mrk 15:29-32) Aha do na mambahen ibana tongtong martahan? Lomo rohaNa palashon roha ni Jahowa. (Joh 6:38) Jala tongtong do diingot “las ni roha naung diparade di jolona”.—Heb 12:2.
Aha do na ingkon taulahon molo disusai hita alani haporseaon? Halak Kristen ndang olo mambalos “na jahat alo ni na jahat”. (Rom 12:14, 17) Molo tatiru cara ni Kristus na tongtong martahan nang pe adong hasusaan, las ma rohanta ala taboto dipasu-pasu Debata do hita.—Mat 5:10-12; 1Ptr 4:12-14.
TONTON MA VIDEO GOAR NI JAHOWA DO NA RUMINGKOT SIAN MANANG AHA PE, DUNG I ALUSI MA SUNGKUN-SUNGKUN ON:
Tingki di kamp pengasingan, songon dia do donganta si Pötzinger marbisuk mamangke tingkina?
Aha do hasusaan na diadopi keluarga Pötzinger di piga-piga kamp konsentrasi?
Aha do na mambahen nasida tongtong martahan?
Tingki adong hasusaan, tongtong do ditiru angka siseanna Kristus