Lam tu Dengganna Marbarita​—Mamangke JW.ORG

BOASA RINGKOT: Ganup publikasinta manjujui halak asa mangida jw.org. Jala i do muse na tinuju ni kartu kontak dohot risalah Di dia do Hita Boi Mandapot Alus ni Sungkunsungkun na Ringkot di Parngoluan? Boi do dipangke hamu jw.org laho mangalehon publikasi marhite mangirim email manang mambagihon halaman web jw.org tu sasahalak. Ringkot do on taulahon tarlumobi molo marbarita tu sasahalak na marbahasa na asing. Asing ni i, olo do ra alus ni sungkun-sungkun ni sasahalak ndang adong di publikasi na tercetak. Jadi, ingkon taboto do cara mamangke jw.org asa boi lam denggan di ulaon marbarita.

CARA MANGULAHON I:

• 

  Pangke ma bagian “AJARAN ALKITAB”. Umpamana, pajumpang ma hamu dohot sahalak natua-tua na naeng mamboto cara pagodang-godangkon ianakhon. Buka ma AJARAN ALKITAB > SUAMI ISTRI & ORANG TUA.

• Pangke ma bagian “BUKU”. Umpamana, naeng marbarita hamu tu dongan sasingkolamuna jala naeng dipatudu hamu brosur Alus ni 10 Sungkunsungkun ni Angka na Poso. Buka ma BUKU > BUKU.

• Pangke ma bagian “TARINGOT HAMI”. Umpamana, naeng marbarita hamu tu dongan sakarejo na lomo rohana mamboto taringot haporseaonta. Buka ma TARINGOT HAMI > NA JOTJOT DISUNGKUN HALAK.

TONTON MA VIDEO MAMANGKE JW.ORG, DUNG I PINGKIRHON MA BOHA CARAMUNA MAMANGKE SITUS ON LAHO MANGURUPI:

• halak na ateis

• sasahalak na mangadopi sitaonon

• angka donganta na so aktif

• kunjunganta na manungkun songon dia ulaon di organisasinta dibalanjoi

• sasahalak sian negara na asing na naeng marpungu di negarana