Cara Mamukka Pakkataion Mamakke Risalah

Mulai Januari 2018, dibahen do sitiruon mamukka pakkataion di Hangoluan dohot Pangkobasion ni Halak Kristen. Dijujui do hita asa makkata-hatai tu akka halak, dang be holan mangalehon sijahaon sambing. Adong do video na mangurupi akka penyiar asa boi mamukka pakkataion holan mamakke Bibel. Alai, dang na gabe so boi be talehon sijahaon tikki marbarita. Umpamana, molo tapakke risalah, gabe ummura do hita mamukka pakkataion. Pakke ma cara na di toru on tikki mamakke risalah:

1. Pakke ma sukkun-sukkun na adong di halaman na parjolo.

2. Patudu ma alusna sian ayat na adong di halaman na paduahon. Molo sanga, jahahon jala ulas ma hatorangan na adong di risalah i.

3. Lehon ma risalah i tu parjabu jala jujui ma asa dijaha i molo adong tikkina.

4. Andorang so lao hamu, patudu ma sukkun-sukkun na adong di bagian “Rimangi ma”, asa boi diulas hamu i muse.

Tikki ro muse hamu, ulas jala alusi ma sukkun-sukkun i. Dung i, bahen ma sukkun-sukkun na asing lao diulas tikki manjuppangi muse. Boi do dipillit hamu sukkun-sukkun na adong di jw.org manang sukkun-sukkun na adong di halaman na parpudi di risalah i. Molo sanga dope, patudu ma brosur Barita na Uli sian Debata! manang sijahaon na asing sian Angka Alat Laho Mangajari.