Marsihohot Ala Nungnga Jonok Ujungna

BOASA RIKKOT: Dang sadia leleng nai, lao masa ma hasusaan bolon na massai luar biasa. Alani i, ikkon barani jala pos ma rohatta tu Jahowa tikki masa i. Tikki diripashon agama palsu masa ma hasusaan bolon. (Mat 24:21; Pgk 17:16, 17) Saleleng masa hasusaan i, ikkon barani do hita paboahon barita panguhuman. (Pgk 16:21) Ikkon taadopi serangan Gog na sian Magog. (Hes 38:10-12, 14-16) Jadi lao paluahon naposona, dipukka Jahowa ma “porang di ari na balga, i ma ari ni Debata na Sun Hinagogo i”. (Pgk 16:14, 16) Alani i, asa lam barani hita mangadopi i haduan, ikkon marsihohot do hita tikki diuji haporseaotta.

CARA MANGULAHON I:

• Unang mabiar mangihutton aturan ni Jahowa.​—Jes 5:20

• Toktong rap marpungu dohot akka dongan.​—Heb 10:24, 25

• Pittor ihutton tudu-tudu ni organisasi.​—Heb 13:17

• Rimangi ma songon dia Jahowa paluahon naposona najolo.​—2Ptr 2:9

• Martangiang jala marhaposan tu Jahowa.​—Ps 112:7, 8

TONTON MA VIDEO DRAMA PORLU DO HABARANION MANGADOPI NA MASA DI ARI NA NAENG RO​—CUPLIKAN, DUNG I ALUSI MA SUKKUN-SUKKUN ON:

• 

  Tikki dibagi penyiar tu huria na asing, songon dia akka penyiar i unduk tu pengaturan na dibahen?

• 

  Aha do hubungan ni barani dohot unduk?

• 

  Boasa ikkon barani hita tikki ro Armagedon?

• 

  Pengalaman ni ise do na disurat di Bibel na paposson rohamuna molo Jahowa tolap paluahon naposona?​—2Kron 20:1-24