Pasti Marujung do Sude Sitaonon

Boi do gabe metmet rohatta alani sitaonon, tarlumobi ma molo hira na so marnasae sitaononta i. Tikki adong masalah ni si Daud, pos do rohana pasti marujung do i, termasuk ma masalahna tu Raja Saul. Jala pasti gabe raja do ibana songon na dijanjihon Jahowa. (1Sam 16:13) Alani pos ni rohana i, gabe sabar do si Daud paimahon Jahowa mangurupi ibana.

Tikki adong masalah, olo do ra berusaha hita mamakke parbinotoanta manang pikkiratta lao pasaehon masalahta i. (1Sam 21:12-14; Poda 1:4) Alai adong do masalah na so olo sae nang pe nungnga taihutton prinsip ni Bibel. Molo songon i situasina, ikkon sabar do hita paimahon Jahowa bertindak. Dang leleng nai, salpuhonon ni Debata ma sude sitaonon jala ‘apusanna ilu-ilu’ sian matanta. (Pgk 21:4) Pasti marujung do sude sitaononta, dang soal ala na diurupi Jahowa do hita manang alani na asing. Molo taingot i, boi ma gabe tarapul rohatta.

TONTON MA VIDEO TOKTONG MARSADA DI PORTIBI NA TARBAGI-BAGI ON, DUNG I ALUSI MA SUKKUN-SUKKUN ON:

• Tantangan aha do na dihadapi halak Kristen na di sabola selatan ni Amerika Serikat?

• Songon dia do nasida patuduhon na sabar jala marholong ni roha?

• Songon dia do cara ni nasida toktong mangulahon “na urrikkot”?​—Plp 1:10