Krisis Pengungsi—Marjuta Halak Melarikan Diri sian Ukraina

Tanggal 24 Februari 2022, mulai ma dibahen Rusia serangan militerna tu Ukraina. Akibat ni na masa on, marjuta halak adong di situasi na berbahaya jala ikkon hatop melarikan diri lao maninggalhon negara ni nasida.a

“Godang bom dohot ledakan na tarbege. Ngeri hian do situasinami, dang tarhatahon be songon dia mandok. Tikki diboto hami adong kereta api lao mangevakuasi akka halak, pittor dibahen hami ma keputusan asa lao mengungsi. Sude do ditinggalhon hami. Alai setiap halak diboan ma tas ransel na gelleng. Holan surat-surat na penting, ubat, air minum, dohot sipanganon do na boi diboan hami. Ditinggalhon hami do sude, lao ma hami tu stasiun kereta api jala di tikki i meledak do akka bom di sakalilingnami.”—Si Nataliia, sian Kharkiv, Ukraina.

“Sebelumna, porsea do au dang mungkin terjadi porang. Alai hubege ma godang ledakan di akka kota jala sappe bergetar do jandela. Pittor hubaen ma keputusan lao sian jabu jala holan akka barang na porlu do huboan. Lao ma au sian jabu jam 8 pagi jala naik kereta api ma au tu Lviv, dung i naik bus ma au tu Polandia.”—Si Nadija, sian Kharkiv, Ukraina.

Na lao dibahas di artikel on

• Aha do sebenarna na mambahen masa krisis pengungsi?

• Adong dope harapan na dilehon tu akka pengungsi on?

• Boi do janji na sian Bibel mangurupi akka pengungsi?

Aha do sebenarna na mambahen masa krisis pengungsi?

Alani serangan militer sian Rusia, massai godang ma halak di Ukraina na ikkon mengungsi jala gabe susa. Alai sebenarna, nungnga takkas hian dipaboa di Bibel aha na mambahen terjadi sude na masa on:

• Pamarettaon ni jolma di liat portibi on dang sanggup be lao mangalehon kebutuhan ni sude halak. Alani i, jotjot do dipakke pamaretta huaso ni nasida lao mengendalihon jala menindas akka halak.—Parjamita 4:1; 8:9.

• Sibolis do na “mangarajai portibi on”. Dipengaruhi ibana do akka jolma asa massai jahat pangalahona. Alani i ma didok di Bibel, “di bagasan huaso ni Sibolis do saluhut portibi on”.—Johannes 14:30; 1 Johannes 5:19.

• Memang saleleng marratus taon on, godang do masalah na terjadi tu akka jolma. Alai didok di Bibel, hita saonari mangolu di sada periode waktu na digoari “ari parpudi” jala massai susa do jolma di tikki on. (2 Timoteus 3:1) Tarlumobi molo terjadi porang, bencana alam, maol mangalului sipanganon, jala molo masa sahit tu godang jolma, on patuduhon nungnga masa be ari parpudi i. Akka peristiwa on ma na mambahen godang halak ikkon mengungsi manang maninggalhon jabuna.—Lukas 21:10, 11.

Adong dope harapan na dilehon tu akka pengungsi on?

Takkas do dipaboa di Bibel, molo Jahowab Debata na manoppa saluhutna i, Debata parholong do. Jala asi do rohana tu akka pengungsi dohot tu akka halak na so adong tempat tinggalna. (5 Musa 10:18) Nungnga marjanji Ibana lao pasaehon sude masalah ni akka pengungsi marhite pamarettaon na dipajongjong Ibana di surgo, na digoari Harajaon ni Debata. Harajaon on ma na lao manggattihon sude pamarettaon ni jolma. (Daniel 2:44; Mateus 6:10) Marhite Harajaonna on lao dihancurhon Jahowa ma Sibolis. (Rom 16:20) Harajaon ni Debata on ma na lao mamaretta tu sude liat portibi on. Molo dung mamaretta Harajaon on, marsada ma sude akka bangso, dang tarbagi-bagi, jala dang adong be batas ni akka negara. Sude jolma marsada songon sada keluarga di liat portibi on. Dang adong nanggo sahalak pe na porlu ikkon maninggalhon jabuna. Ai songon on do janji ni Debata na disurat di Bibel, “Ganup halak hundul ma di toru ni hau anggurna be dohot di toru ni hau arana be, dang adong be na mambahen nasida mabiar, ai Jahowa Pamimpin ni Akka Tentara i do na mandok i.”—Mika 4:4.

Holan Harajaon ni Debata do na boi pasaehon masalah krisis pengungsi na masa saonari on. Marhite Harajaonna, singkirhonon ni Jahowa ma sude masalah na mambahen halak ikkon mengungsi. Parrohahon ma songon dia janji ni Jahowa tu akka masalah on:

• Porang. “Dipaujung [Jahowa] do akka porang di saluhut tano on.” (Psalmen 46:9) Lao mamboto songon dia Debata pasaehon sude masalah, jaha ma artikel “Perdamaian di Bumi—Bagaimana Itu Akan Terwujud?”

• Penindasan dohot kekerasan. Didok di Bibel, ‘Paluaon ni Jahowa do nasida sian akka halak na manusai nasida dohot sian halak na kejam.’ (Psalmen 72:14) Molo naeng diboto hamu songon dia sasahalak boi mengubah pangalahona na jahat mulai sian najolo, jaha ma akka artikel sian majalah na marjudul “Unang Be Marsogo ni Roha tu na Asing”.

• Hapogoson. “Paluaonna do akka halak na pogos na jou-jou mangido asa diurupi.” (Psalmen 72:12) Molo naeng diboto hamu songon dia cara ni Debata pasaehon sude na mambahen terjadi hapogoson, jaha ma artikel “Mungkin do Boi Adil Sistem Ekonomi di Portibi on?”

• Maol mangalului sipanganon. Didok di Bibel, “Haru di pussu ni dolok pe godang do tubu suan-suanan.” (Psalmen 72:16) Molo naeng diboto hamu aha na diulahon Debata lao paposson rohatta na so adong be haduan halak na maol mangalului sipanganon, jaha ma artikel “Dunia tanpa Kelaparan?”

Boi do janji na sian Bibel mangurupi akka pengungsi?

Boi. Janji na adong di Bibel boi mangurupi akka halak na mengungsi marpos ni roha na lao denggan ngolu ni nasida di ari na naeng ro. Alai dang holan i, nasehat sian Bibel boi do mangurupi nasida menghadapi tantangan na dihadapi nasida saonari.

Prinsip ni Bibel: “Unang ma holsohon hamu manang aha, alai pangido hamu ma saluhutna tu Debata marhite tangiang dohot elek-elek mardongan hamauliateon. Asa marhite Kristus Jesus, lehonon ni Debata ma tu hamu hadameon na so boi diattusi jolma, na boi manjaga roha dohot pikkiranmuna.”—Pilippi 4:6, 7.

Artina: Martangiang ma hamu tu Debata. Pangido hamu ma asa dame pikkiran dohot rohamuna menghadapi situasi manang aha pe. Jaha ma artikel “Filipi 4:6, 7—‘Jangan Khawatirkan Apa Pun’”.