6 Juta Halak na Mate Alani COVID—Aha do na Didok Bibel taringot i?

Menurut Organisasi Kesehatan Dunia (WHO), sahat tu tanggal 23 Mei 2022, adong 6,27 juta halak na mate alani COVID-19. Alai di berita na sebelumna di tanggal 5 Mei 2022, didok WHO do molo godang ni na mate sebenarna dao do unggodang. Didok di berita i saleleng taon 2020 dohot 2021, “akka na mate ala hona COVID-19 manang alani dampakna . . . godangna boi do hira-hira sahat tu 14,9 juta halak”. Aha ma na dipaboa Bibel taringot i?

Nungnga disurirakkon hian di Bibel taringot pandemi

•  Nungnga disurirakkon Jesus na lao adong ma “sahit di godang inganan” saleleng “ari parpudi”.—Lukas 21:11; 2 Timoteus 3:1.

Terjadi do na nidok ni Jesus i saonari. Asa lam takkas diboto hamu taringot i, jaha artikel “Aha do Tanda ni ‘Ari Parpudi’ manang ‘Ujung ni Ari’ i?”

Dipatogu Bibel do rohatta

•  ‘Debata Sipangapul na Sumurung, mangurupi hita asa margogo mangadopi sude sitaonon.’—2 Korint 1:3, 4.

Godang do akka halak na mate na hinaholonganna, dipatogu rohana ala manjaha Bibel. Asa lam takkas diboto hamu taringot i, jaha ma artikel “Cara Mengatasi Lungun ni Roha—Na Boi Diulahon Hamu” dohot “Bantuan na Dumenggan tu na Berduka”.

Dipaboa Bibel do aha na boi pasaehon sude sitaonon

•  “Sai ro ma Harajaonmu. Sai saut ma lomo ni roham di tano on songon na di banua ginjang.”—Mateus 6:10.

Satokkin nai, bahenon ni “Harajaon ni Debata” ma asa ‘dang adong nanggo sahalak pe na mandok, “Marsahit do au”’. (Markus 1:14, 15; Jesaya 33:24) Asa lam takkas diboto hamu taringot pamarettaon na di surgo on jala aha na lao ulahononna, tonton hamu ma video Aha do Harajaon ni Debata i?

Dijujui hami do hamu marsiajar Bibel, asa boi hamu dohot keluargamuna mandapot manfaat sian akka nasehat dohot akka janji ni Debata na luar biasa.