Aha do na Didok Bibel taringot Penembakan di Sikkola?

Di tanggal 24 Mei 2022, terjadi ma sada tragedi di huta na margoar Uvalde, Texas, Amerika Serikat. Koran The New York Times mandok, “Adong sahalak bawa na manembak 19 dakdanak dohot 2 guruna di SD Robb.”

Nungnga biasa be terjadi kejadian songon on saonari. Koran USA Today mandok holan di Amerika Serikat pe, “nungnga adong 249 kasus penembakan di sikkola baru-baru on. Hape molo dietong sian taon 1970, dang adong nasa i godangna kasus penembakan di sikkola”.

Boasa ma terjadi sisongon i? Jala boha ma caratta menghadapi situasi sisongon i? Boi do haduan sada tikki dang adong be kejahatan? Adong do alus ni i di Bibel.

Boasa ma lam jahat akka halak saonari?

•  Bibel mandok, mangolu di “ari parpudi” do hita saonari. “Dang marroha holong”, jala “parmuruk-muruk” do akka halak. Alani i ma lam godang halak na kejam jala na jahat saonari on. Jala memang didok Bibel do, “lam tu jahatna ma akka parjahat”. (2 Timoteus 3:1-5, 13) Molo naeng diboto hamu taringot on, jaha ma artikel, “Naung Dipaboa Hian do di Bibel Pangalaho ni Halak di Tikkitta Saonari?”

Sukkun-sukkun do roha ni godang halak, ‘Boasa ma dipasombu Debata terjadi kejahatan songon penembakan di sikkola?’ Asa diboto hamu alusna sian Bibel jaha ma artikel na marjudul, “Orang Baik Tertimpa Musibah—Mengapa?”

Boha ma caratta menghadapi situasi sisongon i?

•  “Nasa na tarsurat hian, disurat do i lao mangajari hita. . . . Ai diurupi na tarsurat i do hita asa pos rohatta tu janji ni Debata.”—Rom 15:4.

Boi do prinsip ni Bibel mangurupi hita menghadapi kejahatan na adong di portibi on. Lao mamboto informasi taringot i, ida ma majalah Sedarlah! na marjudul, “Apakah Kekerasan Akan Berakhir?”

Boha do cara ni natua-tua mangurupi akka gellengna asa dang mabiar mambege akka barita? Jaha ma artikel na marjudul, “Tayangan Berita yang Meresahkan dan Anak Anda”.

Boi do haduan sada tikki dang adong be kejahatan?

•  “Paluaonna do nasida sian akka halak na manusai nasida.”—Psalmen 72:14.

•  “Bahenonna do podang ni nasida gabe mata bajak, jala tombak ni nasida gabe sasabi. Dang buaton ni akka bangso be podang lao mangalo bangso na asing, jala dang marsiajar marporang be nasida.”—Mika 4:3.

Holan Debata do na sanggup menghancurhon sude senjata dohot kejahatan na adong di portibi on. I ma na lao ulahonon ni Debata marhite Harajaon ni Debata. Molo naeng diboto hamu taringot akka aha do na lao bahenon ni Harajaon ni Debata haduan, jaha ma artikel na marjudul “Saat Kerajaan Allah Memerintah, ‘Damai Akan Berlimpah’”.