Marpos ni Roha di Taon 2023—Aha do na Didok Bibel Taringot i?

Di awal ni taon 2023 on, pasti berharap do hita asa denggan ngolutta dohot keluargatta. Boasa boi pos rohatta na lao denggan ngolutta di ari na naeng ro?

Harapan sian Bibel

Dipaboa Bibel do barita na denggan molo sitaonon na taadopi saonari parsatokkinan do jala lao salpu nama. Disurat do akka ayat ni Bibel ‘lao mangajari hita . . . asa pos rohatta tu janji ni Debata, jala asa margogo’.—Rom 15:4.

• Lao mamboto unggodang taringot akka janji na dipaboa di Bibel, jaha ma artikel “Harapan na Massai Denggan na Lao Saut di Ari na Naeng Ro”.

Harapan na boi mangurupi hamu saonari

Dipatudos Bibel do harapan i ‘songon jangkar ni kapal di ngolutta’. (Heber 6:19) Harapan i boi mambahen hita toktong tenang jala martahan mangadopi akka masalahta saonari. Boi ma muse hita marpikkiran positif jala makkilala las ni roha. Misalna:

• Ida ma songon dia Bibel mangurupi sahalak bawa na kecanduan minuman beralkohol. Tonton ma video Magigi do Ahu Mangida Diringku.

• Ida ma songon dia janji na adong di Bibel mangurupi hita tikki mate halak na tahaholongi. Tonton ma video Molo Mate Halak na Tahaholongi.

Pos ma rohamuna tu janji na adong di Bibel!

Godang do halak berharap lam denggan ma nian ngoluna haduan. Alai dang pos roha ni nasida pasti terjadi do i. Dang songon i akka janji na adong di Bibel. Boasa? Alana na manjanjihon i Debata Jahowaa do, “Debata na so margabus”. (Titus 1:2) Holan Jahowa do na sanggup pasautton sude janjina. Boi do dibahen Jahowa “manang aha pe lomo ni rohana”.—Psalmen 135:5, 6.

Godang do manfaat na boi dapotmuna sian akka janji di Bibel. Alai asa boi botul-botul pos rohatta tu akka janji i, ikkon ‘tapareso do Surat na Badia i’. (Ulaon ni Apostel 17:11) Las rohanami mangundang hamu mancoba kursus marsiajar Bibel gratis. Marpos ni roha ma hamu mamulai taon 2023 on!