Dang Porsea be Halak tu Akka Pamimpin Politik—Aha do na Didok Bibel Taringot i?

Di taon 2024 on ma na unggodang dibahen pemilihan umum (pemilu) di liat portibi on. Alai sasittongna, nungnga godang be halak saonari na so porsea tu akka pamimpin politik.

• Menurut survei na dibahen tu halak Amerika, nasida mandok molo “godangan halak na masuk tu politik holan lao mambuat keuntungan pribadi do” dang na lao melayani rakyat.a—Pusat Penelitian Pew, 19 September 2023.

Godang do muse akka na poso saonari dang porsea be tu akka pamimpin politik.

• “Lomo do roha ni akka na poso saonari mangalului solusi tu akka masalah na adong, alai menurut survei dang boi dapot ni nasida solusi sian akka pamimpin politik.”—The New York Times, 29 Januari 2024.

• “Menurut sada survei, saonari unggodang do na poso porsea tu akka YouTuber sian apala tu akka pamimpin politik.”—The Korea Times, 22 Januari 2024.

Tutu do akka pamimpin politik boi mambahen lam denggan ngolutta? Manang, ise do na boi tahaporseai?

Manat ma mamillit ise na lao tahaporseai

Ikkon manat do hita mamillit halak na boi tahaporseai. Didok di Bibel, “Dihaporseai halak na so marpengalaman do sude hata, alai dipikkiri halak na marbisuk do ganup lakkana.”—Poda 14:15.

• Asa boi diboto hamu sittong do manang na dang informasi na dapotmuna i, jaha ma artikel “Unang ma Tertipu Hamu tu Informasi na Sala”.

Bahkan akka pamimpin politik na jujur jala na tulus pe, terbatas do na boi diulahon halak i. Ido alana didok di Bibel:

• “Unang ma porsea hamu tu akka pamimpin, manang tu anak ni jolma na so boi mangalehon haluaon.”—Psalmen 146:3.

Pamimpin na boi tahaporseai

Didok di Bibel, nungnga dipillit Debata sada pamimpin na boi tahaporseai jala taandalhon, i ma Jesus Kristus. (Lukas 1:32, 33) Jesus do Raja ni Harajaon ni Debata, i ma pamarettaon na mamaretta sian surgo.—Mateus 6:10.

• Parsiajari ma boasa boi tahaporseai Jesus, jala aha na lao bahenonna lao pasaehon sude masalahta. Jaha ma artikel “Ise do Raja ni Harajaon ni Debata?” dohot “Aha do na Lao Ulahonon ni Harajaon ni Debata?”