Thai Liang Lim/E+ via Getty Images
TETAP MA MARJAGA-JAGA!
Bahaya do Media Sosial tu Ianakkonmuna?—Nasehat ni Bibel Boi Mangurupi Hamu
“Godang hian do saonari akka naposo na mangadopi masalah kesehatan mental. Jala, sada sian penyebab utamana i ma media sosial.”—Dr. Vivek Murthy, Kepala Badan Kesehatan Masyarakat AS, New York Times, 17 Juni 2024.
Aha do na boi diulahon akka natua-tua lao manjaga akka ianakkonna sian bahaya ni media sosial on? Dipaboa do di Bibel akka nasehat na boi mangurupi.
Aha do na boi diulahon akka natua-tua
Rimangi ma prinsip ni Bibel on.
“Dipikkiri halak na marbisuk do ganup lakkana.”—Poda 14:15.
Dang sada keharusan di hamu lao paloasson ianakkonmuna mamakke media sosial. Ala balga do pengaruh ni media sosial tu ianakkonmuna, tarlumobi pengaruh na so denggan. Alani i, andorang so dipaloas hamu ianakkonmuna mamakke media sosial, pastihon ma boi do ibana mangihutton aturan na lao dibahen hamu taringot sadia leleng batas ni tikki na boi dipakke ibana mamakke hp, taringot akka ise na cocok dibahen ibana gabe donganna, jala menghindari akka konten na so denggan.
Lao mamboto gumodang hatorangan, jaha ma artikel “Apakah Anak Saya Sudah Boleh Menggunakan Media Sosial?” dohot artikel “Membantu Anak Menggunakan Media Sosial dengan Bijak.”
“Denggan ma pakke tikkimuna.”—Epesus 5:16.
Molo dipaloas hamu do ianakkonmuna mamakke media sosial, bahen ma aturan na takkas tu ibana. Paboa ma tu ibana manfaat na boi dihilala ibana molo mangihutton aturan i, jala boasa aturan i boi mambahen gabe aman ngoluna. Asing ni i, parrohahon ma pangalaho ni ianakkonmuna. Gabe sega do pangalahona dung mamakke media sosial? Molo i do, ra boi do dipertimbakkon hamu lao pasohon ibana mamakke media sosial.
Pakke ma animasi papan tulis Marbisuk ma Mamakke Jejaring Sosial lao mangurupi ianakkonmuna mangattusi boasa rikkot mangihutton aturan mamakke media sosial.
Ida muse
Bibel paboahon molo hita saonari mangolu di “tikki hasusaan di ari parpudi.” (2 Timoteus 3:1-5) Jala, dipaboa do muse di bagasan Bibel akka nasehat na boi mangurupi hita mangadopi ari na susa on. Ida hamu ma akka artikel taringot kesehatan mental ni akka na poso asa dapotmuna akka nasehat na denggan tu akka natua-tua dohot ianakkon, jala sude isina berdasarhon Bibel.