Asa Tetap Marlas ni Roha Nang pe Toppu Muba Keadaanta—Aha do na Didok Bibel Taringot i?

Saonari on boi do toppu-toppu muba keadaan di sekitarta, alani i dang boi hita mengendalihon aha na masa di ngolutta. Alai boi do hita tetap marlas ni roha nang pe godang masalah. Alana las ni roha i dang bergantung tu keadaan, alai songon dia sikapta. Alani i ma didok Bibel, “Halak na marlas ni roha, torus do songon halak na marpesta.” (Poda 15:15) Boha do carana asa boi hita tetap marlas ni roha dang soal songon dia situasita? Taida ma saran na dipaboa di Bibel.

Unang pamarsakhu

Bibel mandok, “Gabe metmet do roha molo holsoan, alai boi do i tarapul alani akka hata na denggan.”—Poda 12:25.

• Boi do Bibel mangurupi hamu mangorui arsak ni rohamuna. Jaha ma artikel “Apa Kata Alkitab tentang Kekhawatiran?.”

Lului ma cara asa unang kesepian

Bibel mandok, “Sai dipatudu ale-ale do holong ni roha, jala songon haha anggi do i tikki masa sitaonon.”—Poda 17:17.

• Adong do akka nasehat di Bibel na boi mangurupi hamu asa unang merasa kesepian. Jaha ma artikel “Boha do Carana Mangatasi Perasaan Kesepian?—Bibel Boi Mangurupi.”

Berupaya ma asa lam holong rohamuna tu Debata dohot tu halak na asing

Bibel mandok, “Ikkon haholonganmu do Jahowa Debatam sian nasa roham, sian nasa ngolum dohot sian nasa pikkiranmu. . . . Ikkon haholonganmu do donganmu jolma doshon dirim.”a—Mateus 22:37-39.

• Boi do tangiang mangurupi asa lam holong rohatta tu Debata. Jaha ma artikel “Dibege Debata do Tangiangta?”

• Adong sada aturan na dipaboa Jesus na mandok: Sude na dihalomohon rohamuna bahenon ni halak tu hamu, ikkon songon i do bahenonmuna tu nasida. Molo olo hita mangihutton aturan i, on patuduhon na holong do rohatta tu halak na asing. Asa lam takkas diboto hamu taringot i, jaha ma artikel “Didok Jesus Ikkon Songon dia do Bahenotta tu Halak na Asing?”

Dipaboa Bibel do muse cara na asing asa boi tetap marlas ni roha nang pe toppu-toppu muba keadaan di sekitarta. Asa diboto hamu taringot i, las do rohanami manjujui hamu asa dohot tu kursus marsiajar Bibel gratis.