Tudia do Dibahen Akka Saksi Jahowa Sumbangan na Didapot?
Akka sumbangan na didapot, dipakke hami do i lao mendukung ulaon ni Saksi dohot tu bantuan kemanusiaan. Dua ulaon on mangurupi hami mangurupi akka halak asa gabe sisean ni Jesus.—Mateus 28:19, 20.
Dang dipakke hami sumbangan na didapot hami i lao mambahen hami asa gabe mamora. Akka sintua dohot akka rohaniwannami dang adong na digaji. Dang adong akka Saksi na digaji ala marbarita na uli. Sude akka na karejo di kantor cabang dohot na karejo di kantor pusatnami, termasuk ma i anggota Punguan na Mangaradoti Organisasi, dang adong na digaji.
Akka Aha do na Diulahon Hami
Menerbitton: Ganup taon, diterjemahon, dicetak, dikirim jala dibagihon hami do marjuta Bibel dohot sijahaon na marisi hata ni Bibel. Jala gratis do i sude dilehon hami. Dibahen hami do muse akka sijahaon i bentuk elektronik. Boi do i diida di situs jw.org dohot di aplikasi JW library, jala gratis do i. Dang adong muse iklan di situs web i dohot di aplikasi i.
Mambangun jala Mangarawat: Dibangun hami jala denggan do dirawat hami tempatnami beribadah. Sarupa do i dibahen di liat portibi on, jala sederhana do bangunan i, asa boi akka huria ni Saksi rap marpungu lao manomba Jahowa di inganan na denggan. Dibangun hami do akka kantor cabang dohot akka kantor penerjemahan jala denggan do i dirawat hami. Godang do akka relawan na dohot mangurupi ulaon i, alani i gabe boi ma hemat biaya.
Mangatur Administrasi: Akka sumbangan na dilehon i dipakke hami do i lao mendukung ulaon di kantor pusat, di kantor cabang, di kantor penerjemahan dohot mendukung ulaon ni akka rohaniwan na ro mangurupi akka huria.
Marbarita: Dang adong Saksi Jahowa na digaji lao pasahatton barita na uli manang mangurupi akka halak marsiajar Bibel. (2 Korint 2:17) Alai adong do piga-piga akka rohaniwannami na dilehon akka na porlu tu nasida dohot tempat tinggal ni nasida. Dipilit do akka rohaniwan i jala dilatik do nasida asa boi dilehon nasida godang tikki lao marbarita na uli. Sarupa do na diulahon nasida songon na diulahon halak Kristen na di abad na parjolo.—Pilippi 4:16, 17; 1 Timoteus 5:17, 18.
Mangajari: Dipakke do muse sumbangan i lao membiayai akka kebaktian na dibahen hami. Dibahen hami do muse rekaman audio dohot video na marisi hata ni Bibel. Dibahen hami do muse akka sikkola lao mangalatik akka sintua dohot akka rohaniwan sepenuh waktu asa lam terampil nasida.
Mangalehon Bantuan tu na Hona Bencana Alam: Tikki masa bencana alam, dilehon hami do sipanganon, aek dohot tempat tinggal tu akka halak na hona bencana i. Dang holan tu Saksi dilehon hami i, alai dohot do tu akka na so Saksi.—Galatia 6:10.