Boasa Saksi Jahowa Marbarita na Uli sian Jabu tu Jabu?

Jesus mandok tu akka siihutton ibana, “Laho ma hamu tu sude bangso, bahen hamu ma nasida gabe siseanKu.” (Mateus 28:19, 20, Bibel siganup ari) Di abad na parjolo, disuru Jesus do akka siseanna lao marbarita na uli tu jabu ni akka halak. (Mateus 10:7, 11-13) Dung mate Jesus, halak Kristen di abad na parjolo ma na mambaritahon barita na uli “di angka punguan ni jolma na torop dohot di angka jabu”. (Ulaon ni Apostel 5:42; 20:20, Bibel siganup ari) Diihutton hami do sitiruon sian halak Kristen di abad na parjolo, jala diboto hami do molo marbarita sian jabu tu jabu, sada dalan na denggan lao manjuppangi halak.