Porsea do Saksi Jahowa tu Jesus?

I do. Porsea do hami tu Jesus na mandok, “Ahu do dalan i dohot hasintongan dohot hangoluan. Ndang adong na sahat tu Ama i, ia so marhite sian Ahu.” (Johannes 14:6) Porsea do hami molo Jesus ro tu portibi on sian surgo jala dilehon ibana do ngoluna bahen tobusan. (Mateus 20:28) Marhite hamatean dohot haheheonna, boi ma mangolu salelengna halak na porsea tu ibana. (Johannes 3:16) Porsea do hami molo saonari nungnga mamaretta Jesus gabe Raja di Harajaoan ni Debata, na lao parohon dame tu liat portibi on. (Pangungkapon 11:15) Alai, porsea do hami tu hata ni Jesus on, “Umbalga do Damang asa Ahu.” (Johannes 14:28) Alani i, dang disomba hami Jesus, jala dang porsea hami molo ibana Debata Pargogo na so Hatudosan.