SUKKUN-SUKKUN NI AKKA NA POSO
Songon dia ma Asa Unang Jotjot Au Menunda?
Loja do dihilala hamu ala jotjot tarlambat pasaehon karejo di jabu dohot tugas sian sikkola? Memang, porlu do di paso hamu kebiasaan lao menunda! Artikel on boi mangurupi hamu asa unang jotjot menunda, termasuk ma i molo
Dung dijaha hamu artikel on, coba ma isi kuis taringot jotjot menunda.
Dipaboa do di Bibel aha akibatna molo jotjot hita menunda. Didok, “Molo sai alogo do na dipaida-ida halak, dang saut be ibana manuan boni. Molo sai ombun do na dipaida-ida halak, dang saut be ibana mamanen.”—Parjamita 11:4.
Parrohahon ma akka aha do na mungkin mambahen hamu jotjot menunda, jala aha do na boi diulahon hamu asa unang jotjot menunda.
Paborattu tugas i dihilala hamu.
Memang adong do piga-piga tugas na boi mambahen hita gabe dang semangat, didok rohatta tumagon do molo ditunda tugas i. On ma piga-piga cara na undenggan.
Bagi ma tugas i gabe piga-piga bagian. Sahalak anak boru na margoar si Melissa mandok, “Hucoba do makkarejoi tugas i sada-sada, nang pe huboto nungnga dao au ketinggalan”.
Pittor karejohon ma. “Tikki dapotmuna sada tugas pittor karejohon ma i, nang pe holan pamasukkon i tu daftar tugas. Manang pittor tulis ma piga-piga ide na dapotmuna asa unang sanga lupa.”—Si Vera.
Pangido ma bantuan. Ra, hea do natua-tua manang gurumuna menghadapi situasi na sarupa songon hamu. Coba ma marsiajar sian pengalaman ni nasida. Boi do diurupi nasida hamu lao mangatur jadwal asa boi sae akka tugas i.
Tips “Bahen ma jadwal. Memang, ikkon taratur do hita jala ikkon bertekad lao mangihutton jadwal na tabahen. Alai boi do i mambahen hita marhasil lao pasaehon tugasta i tepat waktu.”—Si Abbey.
Songon na so semangat dihilala hamu.
Jotjot dihilala hamu, mambahen bosan do tugasmuna i. Jadi, aha ma na boi diulahon hamu molo dang menarik tugas i dihilala hamu? Coba ma on.
Pikkirhon ma alasanna boasa ikkon langsung dikarejohon i. Misalna, bayakkon ma hasilna molo nungnga sae tugasmuna i. Sahalak anak boru na margoar si Amy mandok, “Gabe tenang do huhilala molo boi hatop hupasae tugashu jala tepat waktu. Hasilna, gabe boi ma au santai.”
Pikkirhon ma akibatna. Gabe lam stres do hamu molo menunda, jala boi do gabe dang sae tugas na dikarejohonmuna i. Bibel mandok, “Manang aha na disuan sasahalak, i do panenonna.”—Galatia 6:7.
Anggap ma dang godang be tikki lao makkarejohon i. Sahalak anak boru na margoar si Alicia mandok, “Godang do manfaatna molo hudok tu dirikku na ikkon hupasae do tugas i, ukkatop sadari manang dua ari sian jadwal naung ditottuhon. Tikki huida muse jadwalhu, gabe adong ma lobi tikkikku sadari manang dua ari.”
Tips “Massai penting do cara marpikkirta. Dokkon ma tu diritta sandiri na ikkon taulahon do aha na porlu diulahon, jala dang adong na boi mangabbati i. Molo hudok songon i tu dirikku sandiri, gabe boi ma hupasae aha na ikkon hupasae.”—Si Alexis.
Sibuk hian hamu.
Sahalak bawa na margoar si Nathan mandok, “Sering do halak mandok molo au jotjot menunda, alai dang adil i! Dang diboto nasida na sibuk hian au.” Molo songon i do na dihilala hamu, coba ma akka tips on.
Parjolo ma karejohon tugas na ummura. Sahalak anak boru na margoar si Amber mandok, “Adong na hea mandok tu au, undenggan do pittor dikarejohon tugas na boi dipasae hurang sian lima menit. Termasuk ma i paiasson kamar, manggattung baju, manussi piring, dohot manelepon.”
Utamahon ma na uppetting. Bibel mandok, ‘Pastihon hamu ma dia na urrikkot.’ (Pilippi 1:10) Songon dia ma asa boi hamu mangulahon i di ngolumuna siganup ari? Anak boru na margoar si Anna mandok, “Hubahen do daftar ni sude tugashu jala hucatat batas waktuna. Alai na uppetting, hubahen do catatan andigan i hukarejohon jala hupasae.”
Hira na so bebas do dihilala hamu alani i? Pikkirhon ma muse, sasittongna molo dibahen hamu jadwal, gabe hamu ma na mengendalihon tikkimuna, dang tikkimuna na mengendalihon hamu. Jala boi do gabe moru stresmuna. Sahalak anak boru na margoar si Kelly mandok, “Molo hubahen jadwal, gabe boi ma denggan hupasae sude jala gabe lam tenang ma huhilala.”
Padao ma na boi mambahen hamu dang fokus. Sahalak borua na margoar si Jennifer mandok, “Hupamate do HP-ku dohot suara pemberitahuan ni e-mail na masuk, jala hupaboa do tu sude halak na di jabukku andigan naeng humulai karejokki. Jadi molo tung pe adong na porlu huurupi di jabu, hudok do asa pittor dipaboa i tu au sebelum humulai karejokki.”
Tips “Dang na lao sae aha na takarejohon molo dang tamulai makkarejohon i. Asa unang sai tu tugas i pikkiranta, tumagon ma pittor tapasae. Gabe lam tenang ma tahilala dukkon i.”—Si Jordan.