Aha do na Ikkon Huulahon molo Di-bully au?

Masalah na serius do bully i. Sada penelitian di Inggris paboahon, lobi sian 40 persen kasus bunuh diri na terjadi tu remaja penyebabna ala di-bully.

Aha do bully i?

Bully i, dang holan serangan fisik, alai boi do marhite cara na asing.

• Hata na mangejek. Si Celine na marumur 20 taon mandok, “Kasar hian do akka donganku borua molo makkatai. Dang boi hulupahon hata dohot gelar na dibahen nasida lao mangejek au. Dibahen nasida do au gabe dang mararga, jala hira na so adong be gunana au mangolu. Tumagon ma ditopari nasida au bulus.”

• Dipasiding akka halak. Si Haley na marumur 18 taon mandok, “Dang olo akka dongan di sikkolakku mardongan tu au. Tikki mangan siang, sengaja do dibahen nasida hira naung marisi sude hundulan asa dang boi au hundul disi rap dohot nasida. Saleleng sataon, gabe holan sahalakku ma mangan jala tangis do au.”

• Cyberbullying manang mam-bully sian internet. Si Daniel na marumur 14 taon mandok, “Boi do sega reputasi dohot ngolu ni sasahalak holan alani ketikan sian komputer. Memang hira na berlebihan do hatakkon, alai toho do i boi terjadi.” Mam-bully sian internet i, termasuk do tikki sasahalak sengaja mangirim poto manang SMS na pailahon sasahalak.

Boasa adong halak na lomo rohana mam-bully?

Adong piga-piga alasanna.

• Hea ibana di-bully. Sahalak na poso na margoar si Antonio mandok, “Najolo sai di-bully akka donganku do au. Jadi saonari hu-bully pe halak na asing, asa olo do akka na mam-bully i mandongani au. Molo huingot i muse, gabe husadari ma sala do hape na huulahon i.”

• Dang adong contoh na denggan na boi ditiru. Di bukku ni si Jay McGraw na marjudul Life Strategies for Dealing With Bullies, didok do, “Jotjot do sahalak na poso mam-bully halak na asing . . . ala diida nasida songon i do dibahen natua-tuana manang anggota keluargana tu halak na asing.”

• Anggar jago do nasida, alai sebenarna dang percaya diri. Di bukku ni si Barbara Coloroso na marjudul The Bully, the Bullied, and the Bystander, didok do, “Jotjot do halak na mam-bully i anggar jago asa unang diida halak na adong trauma ni nasida jala dang percaya diri.”

Ise do na jotjot gabe korban bully?

• 

  Halak na jotjot menyendiri. Akka na poso na hurang malo bergaul jala jotjot menyendiri mura do gabe korban bully.

• Akka na poso na berbeda sian akka donganna. Godang do halak na di-bully ala berbeda penampilanna, suku, marga, agama, manang adong keterbatasan fisikna.

• Akka na poso na parila. Boi do diboto akka pem-bully akka ise halak na so percaya diri. Jadi, jotjot do halak na parila i di-bully, ala diboto nasida dang na lao mangalo ibana.

Aha do na boi diulahon hamu tikki di-bully?

• 

  Unang pola tanggapi. Sahalak borua na poso na margoar si Kylie mandok, “Las do roha ni akka pem-bully tikki marhasil nasida mambahen gabe sogo rohatta tu diritta sandiri. Alai molo dang tatanggapi, gabe dang olo be nasida mam-bully hita.” Bibel mandok, “Anggo halak na marbisuk, hohom do jala boi dirajai dirina.”​—Poda 29:11.

• Unang balos. Gabe lam tamba do masalah molo tabalos. Bibel mandok, “Tikki dibahen sasahalak na jahat tu hamu, unang ma balosson na jahat tu ibana.”​—Rom 12:17; Poda 24:19.

• Padao ma diritta sian masalah. Molo boi dope, tapadao ma diritta sian akka pem-bully dohot akka tempat ni nasida kumpul.​—Poda 22:3.

• Lambok ma alusi. Bibel mandok, “Hata na lambok padaohon rimas.”​—Poda 15:1.

• Margait ma tikki mangalusi. Misalna molo didok na mam-bully i pamok-mokku hamu, margait ma hamu mangalusi jala dok ma, “Bahen ma, asa unang tanda na so marhepeng.”

• Lao ma sian i jala unang pola alusi. Si Nora na marumur 19 taon mandok, “Molo sip hita, i patuduhon na lebih dewasa jala umgogo do hita sian halak na mam-bully i. Jala molo sip hita, na boi do tarajai diritta dang songon pem-bully i.”

• Berupaya ma asa barani. Sahalak borua na margoar si Rita mandok, “Boi do diboto na mam-bully i na mabiar hita, jala boi do i dimanfaatton nasida asa gabe sogo rohatta tu diritta sandiri.”

• Paboa ma taringot i tu sasahalak. Sada survei paboahon, lobi sian satonga akka korban bully di internet dang olo paboahon masalah ni nasida. Ra, ala maila nasida (tarlumobi akka bawa na poso), manang mabiar sotung dibalos na mam-bully i nasida. Ingot ma, molo mabiar hita jala dang barani lao paboahon i tu na asing, gabe lam barani ma nasida lao mam-bully. Alai tikki tapaboa i tu na asing, boi do i gabe dalan lao pasohon ulaon ni nasida.