Aha do na Ikkon Huulahon Molo Hubahen na Sala?

Aha ma na lao diulahon ho?

Jaha ma situasi na dihadapi si Karina, jala bayakkon ma molo masa songon i tu ho. Molo ho gabe ibana, aha ma na lao diulahon ho?

Si Karina: “Tikki naeng tu sikkola au, kencang ma au mamboan mobil. Ujungna gabe ditilang polisi ma au. Jut hian do rohakku tikki i. Jadi huceritahon ma i tu omak, didok omak ikkon hupaboa do i tu bapak. Alai dang olo au paboahon i tu bapak.”

Molo ho gabe ibana, aha ma na lao diulahon ho?

1. Pilihan A: Dipasip-sip ho, jala berharap do ho unang sappe diboto bapak.

2. Pilihan B: Dipaboa ho i tu bapak jala diceritahon ho aha na terjadi.

Ra didok roham, dumenggan do pilihan A. Mungkin dirippu omakmu nungnga dipaboa ho i tu bapakmu. Alai adong do piga-piga alasan boasa ikkon diakkui ho kesalahanmi, dang soal taringot surat tilang i manang na asing.

Tolu alasan boasa porlu mangakkui kesalahan

1. 1. I do cara na sittong. Adong do standar di Bibel na ikkon diihutton halak Kristen. Didok, “Lomo do rohanami asa jujur di saluhutna.”​—Heber 13:18.

   “Berupaya do au asa jujur jala martanggung jawab tu sude na huulahon. Molo adong huulahon na sala, pittor hatop do i huakkui.”​—Si Alexis.

2. 2. Unlomo do roha ni halak mengampuni halak na olo mangakkui kesalahanna. Didok di Bibel, “Manang ise na manabunihon hasalaanna, dang na lao marhasil ibana, alai manang ise na mangakkui hasalaanna jala muba, dapotan asi ni roha do ibana.”​—Poda 28:13.

   “Memang porlu do barani lao mangakkui kesalahanta. Alai molo olo hita mangakkui kesalahanta i, gabe boi ma hita dihaporseai halak. Gabe diboto nasida ma molo hita halak na jujur. Jala biasana, gabe denggan do situasina.”​—Si Richard.

3. 3. Na uppetting, gabe las do roha ni Jahowa. Didok di Bibel, “Sogo do roha ni Jahowa tu pangoto-otoi, alai marale-ale do Ibana tu halak na tigor marroha.”​—Poda 3:​32.

   “Tikki huulahon kesalahan na balga, huboto do na ikkon huakkui i. Molo dang huakkui i, dang dipasu-pasu Jahowa au.”​—Si Rachel.

Jadi, aha ma na diulahon si Karina? Dang dipaboa ibana taringot surat tilang i tu bapakna. Alai ujungna, diboto bapakna do i. Didok si Karina, “Sataon dukkon i, diida bapak ma laporan asuransi jala adong hatorangan taringot surat tilang na dibahen atas goarhu. Gabe muruk hian ma bapak tu au. Omak pe gabe muruk do tu au ala dang huoloi hatana!”

Pelajaranna: Didok si Karina, “Molo tapasip jala dang barani hita mangakkui kesalahanta, gabe tamba parah do situasina. Jala tong do ikkon martanggung jawab hita!”

Marsiajar ma sian kesalahanmu

Sude do jolma hea sala. (Rom 3:​23; 1 Johannes 1:8) Molo pittor taakkui salatta i, on patuduhon na rendah hati do hita jala nungnga dewasa.

Dukkon i, marsiajar ma ho sian kesalahanmi. Alai godang do akka na poso na so olo mangulahon i. Ra, sarupa do na dihilala nasida tu na hea dihilala si Priscilla. Didok ibana, “Molo huulahon na sala, gabe stres do au. Hira na so mararga do huhilala dirikku, jala didok rohakku borat hian do masalahki.”

Hea do dihilala hamu songon i? Molo hea, ingot ma on: Molo sai taingot-ingot kesalahan na hea taulahon, sarupa ma i songon sasahalak na torus mangida kaca spion tikki mengemudi. Gabe didok roham ma, dang mararga ho jala dang boi be ho menghadapi kesulitan na asing.

Jadi, porlu do asa seimbang.

“Marsiajar ma ho sian kesalahan na hea diulahon ho, asa unang diulahon ho muse songon i. Alai, unang be sai ingot-ingot i asa unang gabe stres ho.”​—Si Elliot.

“Marsiajar do au sian akka kesalahan na hubahen, asa boi lam denggan carakku bertindak. Molo masa annon situasi na sarupa, gabe lam denggan ma carakku mangatasi i. Molo taulahon songon i, on ma tandana hita olo gabe halak na dewasa.”​—Si Vera.