Boasa Ikkon Tapadao Diritta sian Pornografi?

Boi do ditolak ho pornografi?

Molo terhubung do perangkatmuna tu Internet, boi do “masuk” pornografi tu perangkatmuna i. Si Hayley na marumur 17 taon mandok, “Dang pola loja hamu lao mangalului pornografi, ro sandiri do i tu hamu.”

Nang pe naung bertekad piga-piga halak lao menolak pornografi, alai tong do boi nasida tergoda. Si Greg na marumur 18 taon mandok, “Nga bertekad au asa unang mangida pornografi, alai tong do tergoda au lao mangida i. Dang boi hape tadok, ‘Dang na lao tergoda au’.”

Saonari, lam mura do lao mangida pornografi. Ala lam godang halak na mangirim pesan na so suman, gabe godang do akka na poso na mangirim gambar manang video pornografi na dibahen nasida sandiri.

Intina: Umbalga do tantangan na dihadapi hamu saonari sian na dihadapi natua-tua manang oppungmuna tikki poso nasida. Sukkun-sukkunna: Boi do ho manolak pornografi?​—Psalmen 97:10.

Boi, molo olo ho. Alai parjolo sahali, ikkon diboto ho do molo pornografi i berbahaya. Parrohahon ma aha na didok akka halak taringot pornografi jala aha do na sasittongna.

Pandapot ni godang halak dohot na sasittongna

Pandapot ni godang halak: Dang berbahaya pornografi i.

Na sasittongna: Boi do gabe kotor paru-parum molo marisap. Dos songon i ma, molo diida ho pornografi gabe sega do pikkiranmu. Nungnga dibahen Debata pengaturan perkawinan, i ma hubungan na massai solhot antara bawa dohot borua. Jala dang adong na boi manirang nasida. Alai boi do gabe dang sangap perkawinan i alani pornografi. (1 Musa 2:​24) Lam leleng, gabe dang parduli be hita taringot dia na sittong dohot na sala. Contohna, piga-piga ahli mandok, akka bawa na jotjot mangida pornografi biasana dang parduli molo terjadi kekerasan tu borua.

Didok di Bibel, “dang adong aturan di ngolu” ni piga-piga halak. (Epesus 4:19) Nga sega be hati nurani ni nasida. Alani i, dang merasa bersalah be nasida tikki mangulahon na sala.

Pandapot ni godang halak: Boi do hita marsiajar taringot seks sian pornografi.

Na sasittongna: Pornografi mangajari halak gabe serakah. Dibahen do halak gabe hira dang mararga jala holan gabe pemuas nafsu ni nasida. Alani i ma sada penelitian paboahon, halak na biasa mangida pornografi dang boi merasa puas tikki mangulahon seks dohot pasanganna dung menikah.

Didok do di Bibel asa dipadao halak Kristen “seks na so patut, akka ulaon na ramun, giot-giot ni daging na so boi dirajai, roha na jahat, dohot hahisapon”. Sude sifat on dipatudu do di pornografi.​—Kolosse 3:5.

Pandapot ni godang halak: Sok alim do akka halak na so olo mangida pornografi.

Na sasittongna: Molo adong halak na so olo mangida pornografi, i patuduhon na diattusi nasida do aha tujuanna mangulahon seks. Dianggap nasida do ulaon seks i silehon-lehon sian Debata na boi patoguhon hubungan suami istri jala mambahen nasida asa toktong setia tu pasanganna. Asing ni i, halak na mamboto aha tujuanna mangulahon seks, boi ma merasa puas tikki mangulahon seks dohot pasanganna dung menikah.

Takkas do dipaboa di Bibel taringot seks. Didok do tu akka suami, “Marlas ni roha ma ho rap dohot istrim na nialapmu tikki poso. . . . Jala sai toktong ma holong roham tu ibana alani holongna i.”​—Poda 5:​18, 19.

Cara menolak pornografi

Boha do molo targoda hamu lao mangida pornografi? Boi do lembar kegiatan “Cara Menolak Pornografi” mangurupi hamu.

Pos ma roham, boi do ditolak ho godaan lao mangida pornografi. Jala boi do dipaso ho kebiasaan mangida pornografi. Pasti godang do manfaatna molo marhasil ho manolak pornografi.

Parrohahon ma pengalaman ni si Calvin naung kecanduan manonton pornografi sian umur 13 taon. Didok ibana, “Huboto do sala i. Alai maol hian do hutolak tikki adong keinginan lao manonton i. Dung sae hutonton, gabe merasa bersalah do au. Ujungna tarboto ma tu bapakku. Alai gabe lubbang do perasaanku dukkon i, alana gabe boi do au diurupi.”

Berupaya do torus si Calvin asa unang targoda be mangida pornografi. Didok ibana, “Sala do mangida pornografi i, jala ikkon hujalo do akibatna. Sahat tu saonari, olo dope sai ro tu pikkiranku akka gambar na so suman. Sipata, targoda do au naeng manonton muse. Alai tikki ro pikkiran sisongon i, pittor hubayakkon ma molo huoloi Jahowa, gabe bahagia do ngolukku, ias pikiran dohot hati nuranikku, jala denggan ma masa depanku.”