Job
3 Ujungna makkatai ma si Job jala diburai ibana ma ari hatutubuna.+ 2 Didok ibana ma,
3 “Tumagon hian ma dang adong ari hatutubukku,+
Jala dang adong halak di borngin i na mandok, ‘Nungnga tubu sada anak!’
4 Makkolom ma nian di sadari i.
Unang ma nian diingot Debata ari i,
Jala unang ma nian tiur ari di tikki i.
5 Makkolom situtu ma nian sadari i.
Ditutupi ombun na golap ma nian ari i.
Jala holom situtu ma nian di tikki i nang pe tonga ari dope.
6 Tung golap situtu ma nian borngin i,+
Unang ma nian adong na marlas ni roha di ari i,
Jala unang ma nian adong ari i manang di bulan piga pe i.
7 Tumagon hian ma dang adong na tubu di borngin i,
Unang ma nian tarbege las ni roha di tikki i.
9 Makkolom ma nian akka bintang manogot,
Unang ma nian ro tiur ni ari,
Jala unang ma sanga tarida manogot.
10 Ai ditubuhon omakku do au di ari i,+
Jala dang dipadao au sian hasusaan.
11 Boasa ma dang mate au tikki ditubuhon?
Boasa ma dang mate au tikki kaluar sian bortian* ni omakku?+
12 Boasa ma olo omakku mangabing au
Jala boasa ma olo ibana patarusson au?
13 Ai molo dang, nungnga sonang hian au modom.+
Nungnga modom hian au jala dame huhilala+
14 Rappon akka raja di tano on dohot akka penasehatna,
Na pajongjokkon bangunan di nasida sandiri naung maruppak saonari,
15 Manang rappon akka anak ni raja* na godang masna,
Na gok perak di jabuna.
16 Boasa ma dang songon poso-poso na mate di bortian ni omakna au,
Songon poso-poso na so hea mangida na tiur?
17 Haru akka parjahat pe dang marsak be di kuburan,
Ai disi do maradi akka naung loja.+
18 Rap sonang do disi akka tahanan,
Dang dibege nasida be disi soara ni halak na mamaksa nasida karejo.
19 Ai dang adong disi imbar ni na pogos dohot na mora,+
Jala malua ma disi hatoban sian tuanna.
21 Boasa ma dang marna mate halak na paima-imahon hamatean?+
Hape tumagon do di nasida hamatean sian arta,
22 Marlas ni roha situtu do nasida,
Jala sonang ma roha ni nasida molo dung dikuburhon.
23 Boasa ma dipasombu Debata mangolu halak na lilu,
Dipasombu mangolu halak na nihurungna?+
25 Ai nungnga masa be tu au na mambahen au mabiar,
Jala na mambahen au hitir-hitir.
26 Dang hea dame jala sonang ngolukku,
Sai torus do ro hasusaan.”