Job
39 “Diboto ho do haroa andigan hambing tombak manubuhon anakna?+
Hea do haroa diida ho rusa tikki manubuhon anakna?+
2 Dietong ho do haroa piga bulan anakna i di butuhana?
Jala diboto ho do haroa andigan akka i manubuhon anakna?
3 Dipabukkuk nasida do tanggurungna asa boi manubuhon anakna i,
Dung i dang haccit be dihilala.
4 Lam balga jala lam gogo ma anakna i di tombak.
Dung i lao ma i jala dang mulak be tu inangna.
5 Ise do na mambahen bebas halode tombak,+
Jala ise do na mambukka tali ni halode tombak?
6 Padang gurun do hubahen jabuna
Jala tano sira do hubahen ingananna.
7 Sogo do rohana tu huta na ribur,
Jala dang ditangihon ibana songgak-songgak ni jolma na manuru ibana karejo.
8 Lao do ibana tu akka dolok mangalului inganan panjappalan,
Mangalului manang na didia adong rumput.
9 Olo do haroa banteng gabe parkarejom?+
Manang olo do haroa marborngin i di kandang ni lombum.
10 Olo do haroa banteng i talionmu,
Manang olo do haroa i boanonmu mambajak tano na di rura?
11 Tung boi ma diharappon ho gogona i
Lao pasaehon ulaonmu na borat?
12 Boi ma pos roham boanonna mulak hasil ni panenmu,
Jala papunguhon i tu inganan pardegeanmu?
13 Las do roha ni burung unta pahembang-hembakkon habongna,
Alai unjago do ujung ni habong ni burung bangau*+ dohot ibbuluna sian i.
14 Dipasombu burung unta do tolorna di tano,
Jala dipasombu do orbuk na papodomhon tolorna i.
15 Dang diingot ibana boi do maropuk tolor i molo tardege
Manang boi do i didege-dege binatang buas.
16 Jahat do ibana tu anakna, hira so anakna do i dibahen.+
Dang mabiar ibana gabe marisuang halojaonna i.
17 Ai dibahen Debata do ibana dang marbisuk
Jala dang dilehon tu ibana parbinotoan.
18 Alai molo dung jongjong jala dipahembang ibana habongna i lao marlojong,
Diparekkeli ibana do hoda dohot halak na mamboan hoda i.
19 Ho do haroa na mangalehon gogo tu hoda?+
Jala ho do haroa na mambahen ibbulu na ganjang di rukkungna?
20 Boi haroa bahenonmu i mangakkat songon sihapor?*
Ai molo marlingik hoda mabiar do akka na mambege.+
22 Diparekkeli ibana do jea jala dang adong na dihabiari.+
Dang marbalik ibana alani podang.
23 Marattukan do anak panah ni parhoda i na digattukkon di rukkung ni hoda,
Jala tikki marlojong hoda i marhillong do tombak* na balga dohot na gelleng na binoanna.
24 Marhajingjang do hoda i mandegei tano i lao marsiadu tu jolo,
Jala sai busisaon do i mambege* soara ni tarompet na sian tanduk.
25 Marlingik do i molo dibege soara ni tarompet
Boi do dianggo i parporangan sian na dao
Jala dibege do soara ni komandan dohot soara ni na marporang.+
26 Ho do haroa na mangajari burung falkon habang,
Ho do haroa na mangajari ibana asa habang tu sabola selatan?
27 Ho do haroa na manuru lali asa timbo habang+
Jala asa dibahen asarna di inganan na timbo,+
28 Di dolok batu do ibana marborngin,
Jala di pussu ni dolok batu i do dibahen asarna.
30 Mangoccop mudar do akka anak ni lali i,
Jala didia adong bakke, disi do i.”+