Job
10 “Magigi do au tu ngolukku.+
Morong-orong nama au.
Paboaokku nama na ponjot di rohakku!
2 Dohonokku ma tu Debata, ‘Unang ma sai salahon au.
Paboa ma tu au boasa dialo Ho au.
3 Aha ma labana dibahen Ho au susa?
Dibahen Ho do marlea na tinoppam+
Jala lomo do roham tu poda ni parjahat.
4 Ai tung dos ma matam songon mata ni jolma,
Jala pamerengmu songon pamereng ni jolma?
5 Ai tung songon ari-ari ni jolma ma ari-arim,
Manang songon jeppek ni umur ni jolma ma umurmu?+
6 Umbahen na dilului Ho salakku
Jala sai dilului Ho dosakku?+
8 Tanganmu do na manoppa au,+
Hape saonari naeng diropukkon Ho do au.
10 Ai Ho do na manoppa au songon na mangusehon susu,
Jala songon na mambahen keju?*
11 Dibukkus Ho do au mamakke kulit dohot sibuk,
Jala ditonun Ho do au mamakke holi-holi dohot urat.+
12 Dilehon Ho do tu au hangoluan jala dipatudu Ho do holong ni roham* tu au.
13 Alai marsakkap ma Ho di bagasan roham mambahen songon on tu au.
Huboto do, Ho do na mambahen on sude.
14 Molo mardosa au, idaonmu do i,+
Jala dang salpuhononmu hasalaakku.
15 Molo marsala au, marjea ma au!
Jala molo so marsala pe au, tong do dang pos rohakku mangangkat ulukku,+
Ai marlea situtu do au jala massai susa.+
16 Molo pos rohakku mangangkat ulukku, ro ma Ho mangaroro au songon singa na mangaroro mangsana+
Jala patuduonmu ma muse gogom tu au.
17 Diboan Ho do akka saksi na baru mangalo au
Gabe lam muruk ma Ho tu au,
Jala marroan ma hasusaan tu au.
18 Boasa ma pola dipakaluar Ho au sian bortian* ni omakku?+
Mate hian ma nian au andorang so adong na mangida au.
19 Asa hira na so hea au adong.
Pittor diboan ma nian au tu kuburan disi kaluar sian bortian ni omakku,’