Job
18 Dung i didok si Bildad+ halak Syuah i ma,
2 “Sadia leleng nai sai songon i ho makkatai?
Pikkiri ma jolo, dung i pe asa makkatai hami.
4 Nang pe diribak ho dagingmu alani murukmu,
Dang na lao gabe kosong tano on dibahen alani ho,
Manang gabe pinda dolok batu sian ingananna.
5 Ido, ai na lao mittop do sinondang ni parjahat,
Jala na lao mate nama apina.+
6 Na lao golap nama kemahna,
Jala mittop nama lampu na di ginjangna.
7 Lam moru nama gogona mardalan,
Gabe madabu jala susa ma ibana alani sakkapna sandiri.+
8 Patna sandiri do na mamboan ibana masuk tu jaring,
Jala gabe sakkot ma ibana disi.
9 Hona jorat ma tumitna.
Jala tartakkup ma ibana.+
10 Adong do tali na ditanom di tano,
Jala adong do jorat na dibahen di dalan.
11 Sude do na di sakalilingna mambahen ibana mabiar+
Dilele jala sai diihutton do ibana.
13 Diallang sahit ma kulitna.
Habis ma sude dagingna alani sahit na posi.
14 Disarat ma ibana sian kemahna na aman+
Jala diboan ma ibana tu hamatean.
15 Halak na asing ma na mangingani kemahna,
Jala disaburhon ma belerang di jabuna.+
16 Songon hau ma ibana, mate uratna,
Jala koring akka dakkana.
17 Dang adong be na mangingot ibana di tano on,
Jala dang adong be halak na mangingot goarna.*
18 Disappatton nama ibana sian na tiur tu na holom
Jala na lao salpu nama ibana sian portibi on.
19 Dang adong be anakkonna manang pinopparna na tinggal di tonga-tonga ni bangsona,
Jala dang adong be sian nasida na tinggal di ingananna.
20 Tikki masa jea tu ibana, longang ma akka halak na di Barat
Jala mabiar ma akka halak na di Timur.
21 On ma na lao masa di kemah ni akka parjahat
Dohot di inganan ni akka halak na so mananda Debata.”