Psalmen

6 Ale Jahowa, unang ma pissang au tikki muruk Ho,

Jala unang ma pasingot au tikki tarrimas Ho.+

 3 Tung marsak situtu do rohakku,+

Jala husukkun ma tu Ho: Ale Jahowa sadia leleng nai au susa?+

 4 Ale Jahowa, ro ma Ho jala palua ma au.+

Patudu ma holong ni roham* jala palua ma au.+

 5 Ai dang boi halak na mate makkatai taringot Ho.

Jala tung ise ma na mamuji Ho di Kuburan?*+

 6 Nungnga lam gale au alani arsak ni rohakku.+

Tangis do au saborngin manipat sappe maraek podomanku.

Sappe maraek do podomanku alani ilukku.+

 7 Marsak situtu do au alani sude sitaonokku.+

Gabe rambonon do matakku alani sude halak na manusai au.

 8 Lao ma hamu, hamu sude sibahen na jahat,

Ai tangihonon ni Jahowa do andung-andungku.+

 9 Tangihonon ni Jahowa do au molo hupangido asi ni rohana.+

Jala olo do Jahowa manjalo tangiakku.

10 Na lao marlea jala marsak do sude musukku.

Pittor hatop do nasida lao ala nungnga maila.+