Hadiah aha do na dumenggan na boi lehononmu tu ianakhonmuna? Godang do na dihaporluhon nasida sian hamu, umpamana holong, tudutudu, dohot parlinggoman. Alai, na dumenggan na boi lehononmu tu nasida, i ma parbinotoan taringot Jahowa dohot hasintongan na adong di Bibel. (Johannes 17:3) Parbinotoan i, mangurupi ianakhonmu asa lam mangkaholongi Jahowa, jala olo manomba Ibana sian ias ni rohana, nang pe poso dope.—Mateus 21:16.

Angka natuatua naung marpengalaman paboahon, parsiajaran na jempek jala na mura antusan, i ma isara na dumenggan laho mangajari ianakhon. Alani i, las rohanami paradehon buku on, Parsiajaran Bibelhu. Ganup parsiajaran di buku on, diparade laho mangurupi angka natuatua mangajari ianakhonna marhite isara na mura antusan. Angka gombar dohot suratna, diparade tu dakdanak na marumur tolu taon tu toru. Adong do muse bagian na mambahen hamu rap marsiajar dohot nasida. Buku Parsiajaran Bibelhu ndang diparade laho diparmeammeam, alai diparade asa natuatua rap manjaha dohot ianakhonna. On mambahen hamu lam solhot tu ianakhonmuna.

Pos do rohanami buku on boi mangurupi hamu mangajarhon hasintongan ni Bibel tu ianakhonmu, ”sian mulai na metmet” dope nasida.—2 Timoteus 3:14, 15, Bibel siganup ari.

Donganmu sahaporseaon,

Punguan na Mangaradoti Organisasi ni Sitindangi Ni Jahowa

Ise do na manompa langit?

Ise do na manompa laut?

Ise do na manompa hita?

Ise do na manompa kupu-kupu na bagak?

Debata Jahowa na manompa on sude.

ULAHON MA

Rap manjaha:

Pangungkapon 4:11

Dokkon ma ianakhonmu patuduhon gombar:

Bintang Ombun Mata ni ari

Kapal Hau Jabu

Laut Kupu-kupu

Sungkun ma ianakhonmu:

Ise do goar ni Debata?

Didia do Jahowa maringanan?

Aha do naung ditompa Ibana?

Ida ma angka binatang na ruar sian parao ni si Noak.

Na dia do na ganjang rungkungna, jala na dia do na hatop maringkat?

Bodat, jerapah, singa dohot gajah, sude malua sian aek na sumar.

ULAHON MA

Rap manjaha:

1 Musa 7:7-10; 8:15-17

Dokkon ma ianakhonmu patuduhon gombar:

Beruang Biang Gajah

Jerapah Singa Bodat

Tupai Birubiru

Zebra Pelangi

Suru ma ianakhonmu maniru soara ni binatang na di toru on:

Biang Singa Bodat

Lombu Birubiru

Diboto si Rio do na marsahit donganna.

Alani i, didokkon ibana ma, ”Na marsahit do ho?

Hubahen ma surathu tu ho da, asa hatop malum sahitmi. Adong na laho hugambar, alai sogot ma hulehon!”

Patudu ma burju ni roha, asa marlas ni roha ho!

ULAHON MA

Rap manjaha:

1 Petrus 3:8

Dokkon ma ianakhonmu patuduhon gombar:

Jabu Meja Rio

Mata ni ari Pidong Hau

Sungkun ma ianakhonmu:

Adong do diboto ho dongamu na marsahit?

Olo do ho ro mangida ibana?

Sogo roha ni si Nina ala ro udan.

”Ndang boi be ahu tu luar mambuat bunga.”

Tangis ma si Nina.

Alai, ndang sadia leleng,

tiur ma langit.

Ndang ro be udan.

Las ma roha ni si Nina!

Laho ma ibana tu luar, tarida ma mata ni ari. Diida si Nina ma bunga, huhut dianggo ma bunga i.

Didok si Nina ma, ”Nga huboto be, dibahen Jahowa udan asa tubu do bunga!”

ULAHON MA

Rap manjaha:

Ulaon ni Apostel 14:17

Dokkon ma ianakhonmu patuduhon gombar:

Jandela Pidong Nina

Hau Bunga

Lului ma gombar na buni:

Bulung ni Hau Kapal Terbang

Sungkun ma ianakhonmu:

Boasa dibahen Jahowa udan?

Molo adong donganmuna mangalehon hadiah manang dilompa Omak sipanganon na tabo, haol ma nasida!

Alai, adong dope na hurang, jala mura do on taulahon. Sai ingot ma mandok ”Mauliate da!”

ULAHON MA

Rap manjaha:

1 Tessalonik 5:18

Dokkon ma ianakhonmu patuduhon gombar:

Hadiah Buku

Pintu Sipanganon

Lului ma gombar na buni:

Apel Telepon

Sungkun ma ianakhonmu:

Boasa denggan mandok ”Mauliate”?

Ida ma jarijarim, jala pahutur ma i.

Tiop ma pinggolmu dung i tiop ma igungmu.

Ida ma patmu. Boi ho maringkati, tu siamun, tu hambirang, jala marmeami!

Ida ma di kaca. Parrohahon ma!

Ise do na manompa i?

Jahowa do na manompa i sude!

ULAHON MA

Rap manjaha:

Psalmen 139:14

Dokkon ma ianakhonmu patuduhon:

Jari tangan Jari pat Igungna

Pinggolna Babana

Lului ma gombar na buni:

Kepiting Huting

Sungkun ma ianakhonmu:

Ise do na manompa hita?