Hadatuon dohot Utiutian Ulaon na Roa

Sibolis marlomo ni roha asa hita mangulahon hadatuon. Godang do halak mamele tu angka daompung na jumolo mate manang tu tondi na asing laho padaohon nasida sian mara. Nasida mangulahon on ala mabiar tu hagogoon ni portibi. Dipangke nasida do panjaga ni dagingna songon tintin manang golang. Dipainum manang diapushon tu pamatangna angka ”ubat” na dihaporseai nasida marhagogoon. Pigapiga halak manabunihon di jabu manang di toru tano angka ugasan na dihaporseai marhagogoon laho manggomgomi nasida. Na asing mamangke angka ”ubat” hadatuon ala dihaporseai nasida boi mambahen asa gabe sude ulaonna di bisnis, ujian singkola, dohot dapot rongkap.

Dalan na dumenggan laho mangalo Sibolis i ma gabe aleale ni Jahowa. Debata Jahowa dohot angka surusuruanNa dao gumogo sian Sibolis dohot angka sururusuruanna. (Jakobus 2:19; Pangungkapon 12:9) Jahowa lomo do rohaNa patuduhon hagogoonNa tu angka alealeNa na marsihohot tu Ibana.—2 Kronika 16:9.

Hata ni Debata mandok, ndang jadi ulahonon muna hadatuon. Diburai Jahowa do hadatuon dohot utiutian alana angka halak na mangulahon on mangalehon dirina diparhuaso Sibolis.—3 Musa 19:26; Galatia 5:20.