PELAJARAN 34
Songon dia do Carana Patuduhon na Holong Rohatta tu Jahowa?
Dung marsiajar Bibel hamu, lam holong do rohamuna tu Debata? Lomo do rohamuna asa lam jonok hubunganmuna tu Ibana? Molo songon i na dihilala hamu ingot ma, lam holong rohamuna tu Jahowa, lam holong do tong rohana tu hamu. Jala parduli do Ibana tu hamu. Attong songon dia do carana patuduhon na holong rohamuna tu Ibana?
1. Songon dia do caratta patuduhon na holong rohatta tu Jahowa?
Molo holong rohatta tu Jahowa, taoloi ma hatana. (Jaha 1 Johannes 5:3.) Alai dang hea dipaksa Ibana jolma asa mangoloi Ibana. Diloas Ibana do jolma mamillit naeng mangoloi Ibana manang dang. Boasa? Alana lomo do roha ni Jahowa asa taoloi Ibana ‘sian nasa rohatta’. (Rom 6:17) Lapatanna, lomo do rohana molo taoloi Ibana alani holong ni rohatta, dang ala na terpaksa. Di Bagian 3 dohot 4 di bukku on, lao tabahas ma lomo ni roha ni Debata dohot na mambahen Ibana magigi. Molo taulahon lomo ni rohana jala tapadao diritta sian akka na mambahen Ibana magigi, on ma buktina na tahaholongi Jahowa.
2. Boasa sipata maol patuduhon holong ni rohatta tu Jahowa?
“Godang do hasusaan ni halak na tigor marroha.” (Psalmen 34:19) Ala dang sempurna hita, maol do mangulahon na denggan. Sipata adong do muse masalah ekonomi, ketidakadilan, dohot masalah na asing na taadopi. Jala tikki adong tantangan, olo do gabe maol hita mangulahon paretta ni Jahowa. Alana sai ummura do mangulahon na sala. Alai molo toktong hamu setia tu Jahowa nang pe adong tantangan, on patuduhon na umholong do rohamuna tu Ibana sian tu manang aha pe. Jala on patuduhon na setia do hamu tu Ibana. Hasilna, Ibana pe setia ma tu hamu jala dang tinggalhononna hamu.—Jaha Psalmen 4:3.
ASA LAM TAATTUSI
Taida ma boasa las roha ni Jahowa molo taoloi Ibana. Jala songon dia do carana asa toktong setia hita tu Ibana.
3. Parsoalan na adong hubunganna tu hamu
Molo tajaha bukku Job, didok Sibolis do hata na so tutu taringot si Job dohot sude jolma na manomba Jahowa. Jaha Job 1:1, 6–2:10, dung i bahas ma sukkun-sukkun on:
Menurut Sibolis, boasa olo si Job manomba Jahowa?—Ida Job 1:9-11.
Tuduhan aha do na didok Sibolis taringot sude jolma termasuk hamu?—Ida Job 2:4.
Jaha Job 27:5b, dung i bahas ma sukkun-sukkun on:
Songon dia do si Job patuduhon na tutu holong rohana tu Jahowa?
Toktong do setia si Job tu Jahowa, on patuduhon memang holong do rohana tu Jahowa
Molo toktong setia hita tu Jahowa, on patuduhon na holong do rohatta tu Ibana
4. Bahen ma las roha ni Jahowa
Jaha Poda 27:11, dung i bahas ma sukkun-sukkun on:
Songon dia do perasaan ni Jahowa molo marbisuk hamu jala dioloi hamu Ibana? Boasa songon i?
5. Boi do hamu setia tu Jahowa
Molo holong rohatta tu Jahowa, pasti olo do hita paboahon taringot Ibana tu na asing. Jala molo setia hita tu Ibana, pasti sai taulahon do i nang pe adong tantangan. Putar ma VIDEO, dung i bahas ma sukkun-sukkun on:
Hea do maol dihilala hamu paboahon taringot Jahowa tu na asing?
Di video i, aha do na mambahen dang mabiar be si Grayson?
Molo tatiru Jahowa, taulahon lomo ni rohana jala magigi hita tu na jahat, ummura ma hita setia tu Ibana. Jaha Psalmen 97:10, dung i bahas ma sukkun-sukkun on:
Sian na diparsiajari hamu saleleng on, menurut hamu akka aha ma na dihaholongi Jahowa? Jala akka aha ma na mambahen Ibana magigi?
Boha do carana asa lomo rohatta mangulahon na denggan jala magigi tu akka na jahat?
6. Hita do na mandapot manfaat molo taoloi Jahowa
Sai bermanfaat do molo taoloi Jahowa. Jaha Jesaya 48:17, 18, dung i bahas ma sukkun-sukkun on:
Boasa pos rohamuna pasti diboto Jahowa do na terbaik tu hita?
Saleleng marsiajar Bibel hamu jala ditanda hamu Jahowa Debata na sittong i, aha ma manfaat na dihilala hamu?
ADONG DO NA MANDOK: “Dang tolap hita pasonakkon roha ni Debata.”
Ayat na dia ma na boi dipakke hamu lao patuduhon memang boi do tabahen las roha ni Jahowa?
KESIMPULAN
Molo taoloi Jahowa jala toktong setia hita tu Ibana nang pe adong tantangan, on ma buktina na holong rohatta tu Ibana.
Tinjauan
Aha ma na boi diparsiajari hamu sian teladan ni si Job?
Songon dia do caramuna patuduhon na holong rohamuna tu Jahowa?
Boha do carana asa toktong setia hamu tu Jahowa?
LULUI MA
Tonton ma songon dia carana asa boi hamu setia tu Jahowa dohot tu organisasina.
Tuduhan aha do na didok Sibolis taringot jolma?
“Si Job Marsihohot tu Debata” (Bibel—Aha do Isina? bagian 6)
Tonton ma songon dia akka dakdanak boi patuduhon holong ni rohana tu Jahowa.
Boha do carana asa toktong setia akka na poso tu Debata nang pe adong godaan sian akka donganna?