PELAJARAN 25
Aha do Tujuan ni Debata Manoppa Hita?
Dipaboa Bibel do songon dia parngoluon ni jolma saonari. Didok, “Otik do ari-arina jala gok hasusaanna.” (Job 14:1) Memang lomo do roha ni Debata asa songon i parngoluotta? Aha do sebenarna tujuan ni Jahowa manoppa hita? Boi do saut tujuanna i? Taida ma na didok Bibel taringot i.
1. Aha do tujuan ni Jahowa manoppa hita?
Lomo do roha ni Jahowa asa marlas ni roha hita. Tikki ditoppa Ibana jolma na parjolo, i ma si Adam dohot si Hawa, dibahen Ibana do inganan na bagak tu nasida, i ma Taman Eden. “Dung i dipasu-pasu Debata ma nasida jala didok ma, ‘Marpinoppari ma hamu asa lam godang hamu. Gohi hamu ma tano on jala rajai ma i.’” (1 Musa 1:28) Lomo do roha ni Jahowa asa marpinoppari nasida, mambahen tano on gabe Paradeiso, jala mangurus akka binatang. Lomo do rohana asa sude halak marlas ni roha, sehat, jala mangolu saleleng ni lelengna.
Nang pe dang songon i parngoluotta saonari,a alai dang muba dope tujuan ni Debata manoppa hita. (Jesaya 46:10, 11) Lomo do rohana asa sude halak marlas ni roha saleleng ni lelengna di tano on.—Jaha Pangungkapon 21:3, 4.
2. Boha do carana asa martujuan ngolutta saonari?
Tikki ditoppa Jahowa jolma, dibahen Ibana do asa lomo rohatta mananda jala manomba Ibana. (Jaha Mateus 5:3-6.) Lomo do rohana asa jonok hubungatta tu Ibana, ‘asa taihutton sude dalanna, tahaholongi Ibana’, jala tasomba Ibana ‘sian nasa rohatta’. (5 Musa 10:12; Psalmen 25:14) Molo taulahon i, gabe boi ma las rohatta nang pe godang sitaononta. Jadi molo tasomba Jahowa, gabe martujuan ma ngolutta.
ASA LAM TAATTUSI
Taparsiajari ma taringot balga ni holong ni Jahowa tikki ditoppa Ibana tano on. Jala taida ma aha do na didok Bibel taringot tujuan ni ngolutta.
3. Lomo do roha ni Jahowa asa marlas ni roha jolma
Putar ma VIDEO, dung i bahas ma sukkun-sukkun on:
Boasa ma massai bagak ditoppa Debata tano on?
Jaha Parjamita 3:11, dung i bahas ma sukkun-sukkun on:
Aha do na didok ayat on taringot Jahowa?
4. Dang muba dope tujuan ni Jahowa
Jaha Psalmen 37:11, 29 dohot Jesaya 55:11, dung i bahas ma sukkun-sukkun on:
Sian dia do taboto dang muba dope tujuan ni Debata manoppa hita?
Boi do dipadenggan jabu na sega. Dos songon i ma, nang pe nga sega tano on dibahen jolma, alai boi do i dipadenggan Debata muse jala dilehon tu akka halak na makkaholongi Ibana
5. Gabe martujuan ma ngolutta molo tasomba Jahowa
Molo taboto tujuan ni ngolutta, gabe las ma rohatta. Putar ma VIDEO, dung i bahas ma sukkun-sukkun on:
Aha do manfaat na dihilala si Terumi ala diboto ibana tujuan ni ngoluna?
Jaha Parjamita 12:13, dung i bahas ma sukkun-sukkun on:
Nungnga godang na dibahen Jahowa tu hita. Jadi boha ma caratta patuduhon na mandok mauliate hita tu Ibana?
ADONG DO NA MANDOK: “Holan songon-songon on nama na mangolu on.”
Molo adong na mandok songon i, boha do alusmuna?
KESIMPULAN
Lomo do roha ni Jahowa asa marlas ni roha hita saleleng ni lelengna di tano on. Molo tasomba Ibana sian nasa rohatta, gabe martujuan ma ngolutta saonari.
Tinjauan
Aha do sebenarna tujuan ni Jahowa manoppa si Adam dohot si Hawa?
Sian dia taboto dang muba dope tujuan ni Debata manoppa jolma?
Boha do carana asa martujuan ngolutta?
LULUI MA
Jaha ma bukti na patuduhon tutu do adong Taman Eden najolo.
Boasa boi pos rohatta na toktong do adong tano on saleleng ni lelengna?
Dipaboa Bibel do songon dia carana asa martujuan ngolutta.
Tonton ma taringot sahalak bawa na merasa adong dope na hurang di ngoluna, nang pe boi dapotna sude lomo ni rohana.
a Di pelajaran berikutna, taida ma boasa susa ngolutta saonari.